 |
| wiwin影到我個死樣 |
W1 及 A4 兩段嘅苦路之後, 對腳前掌好痛好唔舒服 >_<
繼續行.....
一路行一路攞住個charger, 咁都得 :p
好似都係上年條路, 不過逆走, 看過地圖應該唔走大斜草坡, 唔知行邊呢 o_O
左轉右轉, 有路牌指往"須走", 應該就是這裡吧!
出太陽好熱, 著住件長底有d熱, 但有風吹埋黎又好寒, pack左件短袖都唔使換!
呢段路係咁上, tired >_<
途中遇上 llyod & ota san; 仲有夜晚開始不斷見到的日本女賽員, 前前後後撞得多大家都互相加油 ; )
少操練到咁上下里數即現形, 上山乏力 >_<
A5 食d嘢又上路! 呢段係 walking zone 唔比跑, 工作人員提示我時, 我還笑應該都跑唔到了 :p
點知.....上山都差d上唔到! 上幕岩四辻完全無晒力, 行行下都要回下抖抖 @@
又無得用 pole, 之後點算呢 o_O
二子山呢度應該係最近富士山頂的地方了, 四周都是火山岩石地形, 估唔到仲有一段好快要摌落 A6 停車場, 雖然好玩, 不過都幾傷, 仲要對鞋入晒d石仔; 感覺上對腳喺度炒栗子 :p
同計劃時間相若, 不過都要抖抖倒石仔食d飲d :p
衝左一段唔再傻了, 離開人群之後都係轉番行 mode, 努力行.....望下時間呢段應該meet唔到, 算, 唔好推!
終於出石屎路落埋斜就到 A7 了 ^_^
惡耗到來了!!!
照計石屎斜路唔衝都可以慢慢jog"登"落去啦, 點知.....跑少少對四頭肌都震到好痛 >_<
無計, 之後仲有兩段山要行, 慢慢行落去睇下可唔可以 relief 到!
到point先去toilet, 順手噴d salonpas, 食下嘢飲下, 之後三國山一段都好甘!
計劃之內有少少仲有時間揸手應該好安心, 但對腳d肌肉咁投訴都唔知之後點算, 上山好似無咩力, 黎梗一開始要上立山都>700m, 無 pole 無力上到嗎 o_O
路遙遙腳累累! 聽到山上不遠處有小朋友玩樂的聲音.....
原來不是我時運高or幻聽 :p
係幾個小兄弟跟著爸爸行山去! 應該係大哥哥的一直喺前面行, 不時往後叫爸爸行快一點.....呢一段山路雖然辛苦難捱, 可幸有呢家人包圍一小步一小步的慢慢行上山, 帶點慚愧又帶點羡慕他們的, 時間就過得快一點了!
上到山之後又是不斷的上上落落行唔完的十多k路程 >_<
喜見有其他參加者都是行的, 跟著他的步伐繼續去, 時間還易過一點 ^_^
後段得番自己一個...d 路標好似少左d無咁清楚, 幾驚行錯 :p
唔知係太攰定真係路線設計嘅問題, 呢個 aid station 開始好多地方都令我好忟係咁發脾氣, 去到城d指示好唔清楚, 成日都唔知要行幾耐行去邊有無行錯 @@ >_<
落到石屎路要~30mins 先到 A8 >_<
呢個 aid station 有 taping 有 massage, 不過我都係想爭取時間去完成, 驚狀況唔樂觀唔知要幾多時間! (四頭肌嘅情況好似好左少少...)
大會 gear check, 食嘢飲嘢去埋 toilet 又行!
好寒, 第二晚凍好多, 加多件薄fleece上路, 向 A9...A10 進發! 開始上山熱熱地又要停低除衫!
上年明明行過, 但完全好似失憶咁 (preparation時無睇番上年自己寫d路線描述), 以為到石割神社之後上上下就到, 點知原來要上好高, 仲要用埋手力拉自己上去, 上到頂死咁滯; 見到d工作人員仲以為落一陣就會到 A9, 點知落好耐都唔到, 好彩撞到 jogger joel, 死跟佢落山 >_<
食d橙 etc. 又快快起步, 上左幾步發覺好大風好寒, 都係著番件fleece先!
呢段路好彩有axe陪先無令人咁氣餒! 我想應該係之前有少少冷親+體力衰退, 好明顯心跳好快, 上山仲好氣喘, 每下呼吸都 wheezing "we we 聲" @@
唔想做成拖累叫axe不用理會自己行先, 多謝每段困難的地方總能見到你的身影我才沒那麼容易放棄! 沒想到上年落山勁塞車的地方會如此艱辛 @@ 簡單d講就係要你喺最謝嘅時候仲要用晒全身力氣去攀石 >_<
滿以為難關已過, 但杓子山的山頂總是行不到呢 =_=
幸好落山比想像中容易, 但估唔到落山後難關過晒先係精神崩潰的開始 >_<
上年好似無咁長路無咁難捱的, 但今年落山後的石仔路, S 路行極都行唔完, 我有好一段長時間認為自己係行錯路的 o_O 雖然身邊間中有一兩個日本人, 但我落斜快axe少少, 到平路行住等, 但點解一直都等唔到他, 好驚但又唔想比d日本仔掉下, 唯有死跟, 但之後佢地跑就.....
好不容易出到馬路有少少記憶了, 安心一點, 但係完全唔知個aid station喺邊, 行極都唔到! 途中又唔多見到路標, 終於見到有人指路了但又總是左點右點, 轉個彎又唔係, 究竟要行到幾時先會到 A10 呢.....完全崩潰了, 每見到人都投訴點解仲未到..... >_<
粗略估計落山到 aid station ~1hr @@ >_<
原本以為都頗順利可以賺到時間(flight plan)走上年的時間記錄, 點知呢段去A9 & 10會咁難捱的! 天氣凍再加件goretex擋風 (之前一路都係背心防風而已), 食d熱食就好起步了, 希望仲可以盡早返到終點! (axe 話要訓一陣, 其實我都想, 不過訓左我就完成唔到/趕唔到飛機架啦 :p)
呢段可以用番 trekking pole了, 但作用估計不大, 因為上段全身嘅力消耗得七七八八, 又眼訓, 散晒 @@
後尾諗番都覺得幾好笑, 呢段仲行到有d思覺失調 :p
我居然傻左咁一路行一路埋怨點解阿xx將xx嘅訓練路線用黎plan呢條路, 不斷有疑問點解要咁行呢?!.....將d嘢撈亂晒唔知點解, 唔想行.....
後尾出石屎路之後要係咁上斜, 一條無止境的路; 行左好耐都仲係要行上斜未落山, 見到d工作人員又只係講叫你不斷上一直上; 有段時間越行越忟又發脾氣, 問d工作人員仲有幾耐幾遠唔好只係叫我一直行 @*#^ 唔知係溝通問題定佢地根本唔知.....
終於可以落山, 但又係果d行到腳跛嘅石仔路, 行到腳痛又眼訓都唔到, 之後到石屎路又唔知去左邊, 去到城又唔知自己喺邊 =_=
經過神社但行好耐都仲未過橋, 究竟去左邊, 咁耐都未埋到岸 o_O
見到橋但已經無心機無氣無力無mood, 屈怨hea爆咁行番去完全唔想跑 >_<
望到終點, 跑埋返去做個了結給我解脫, 最終岩岩日出時衝線, 時間用了 37hr33m ^_^
除了腳板好攰d肌肉痛之外, 對腳好似無咩事, 萬幸! 不過就元氣大傷, 講下嘢都有深綠色的痰 @@
趕緊時間返回旅館沖涼訓覺!快差 3.5hr 起身 pack 好d行李就出去醫飽個肚! 原先想去轉 event centre, 但一來一回又未必行得走得, 恐怕趕不上車回新宿去機場, 唯有放棄 >_<
多謝老闆娘送我到車站 ^_^
回程車脫班了又有點塞, 於新宿匆忙買點食的就上NEX到機場回港了, tired & Zzzz.....
