懶左咁耐想追番之前既進度真的有點困難, 仲好易令人"咀"喪...放棄!
歸根究底都係一個字..."懶"!
同屋企人做完嘢之後打算落街跑下, 換晒衫之後最終都係改變主意.....最後賴在沙發上睇電視 >_<
-----------------------------------------------------------------------------------------------------------------------
計過度過唔想舟車勞頓山長水遠去從化跑定向(況且分值應該都唔影響成績, 又無k數又花時間而又無覺好訓).....無參加東北縱走都跟健行出隊! 雖然唔係長但有上落, 要慢慢上番d山力先得!
上斜完全唔掂(不嬲都唔跑), 泥坡上又唔得, 對小腿行一陣就bump晒, 要點練先好呢o_O
繼上次KOTH落沙羅洞樓梯覺得膝頭唔多妥, 今次又有咁既感覺, 仲要痛左.....點算 >_<
繼續盡jog死跟, 好彩見到樓梯可以放慢一點 :p
上完屏風落南涌食少少嘢又起步, 逆走衛徑上黃嶺.....原先打算之後再加操的, 但計過時間唔多掂, 而且體力又唔多掂, 完全跑唔起.....回程全段八仙只有自己走, 前面的影也見不了.....灰 :(
跑唔起既至命源應該係唔fit, 仲有睇怕都係多左嗰幾磅 >_<
---------------------------------------------------------------------------------------------------------------------
計過度過大嶼100都無咩時間可以操山試路, 見HKTR有人開線, 而聖誕定向檔期嗰日又係跑 sprint, 於是就決定棄賽跟隊 (翌日要跑中距離都唔理了 :p)
集合之後起步, 出現的人比報名的人少 (有d唔黎又有d中途先join), 仲要無咩女仔.....意味著個速度會快d o_O
一起步已經.....跑! 完全無停, 斜又跑.....吃不消呢 >_<
幸好一到有樓梯的地方就可以慢一點 (不過都.....)路況比我想像的好, 之後愉景灣再上老虎頭, 行左一會兒一個平台位突然轉入小徑, 沿contour走只有一個人咁闊, 又要經過河谷位; 之後突然 sharp turn 上小徑過榴花洞! (如果要睇圖一定要慢慢搵了)
一直聽聞榴花洞到牛枯塱一段非常密的, 今日終於一試!
開始都ok, 治著一些木柱仔行, 但不消一會就已經見唔到泥路了 o_O 唯有跟著路痕踩, 都尚算ok的! 有一些路段我反而覺得好跑, 其實路況是比想像中好的 (可能越野慣啦), 不過以比賽計條路就細左d密了些!
沿山咀去到一分差路, 我覺得應該沿咀落, 不過佢地話行過唔ok, 轉右落斜坡先真.....well, 跟! 之後又話要過對面山.....不確定也唯有跟! 我覺得係行緊一d工程路囉 :p 不打緊, 最後也只係行多了呢一個corner而已 (直去就是了)! 之後搵個位落河, 中途經大岩面, 坡直如行薄刀刃!
oic 之前organizer答我路線資料中話要行一段河床原來就是這裡了! 之後經過一輪鐵絲網就到六合廟了! 終於試行晒呢段路了 ^_^
之後白芒婆髻伯公坳又要喪走, 今次d樓梯路無運行了, 佢地個個兩級兩級上, 好快; 好不容易先去到雙東坳meet大家! 有幾個有事又怕唔夠水, 自行落南山走人; 之後就六個人繼續上大東!
oh.....終點在望, 只餘想體驗一下狗牙上落! 但有點擔心不夠時間及體力呢!
伯公坳後只餘四人繼續上路! 跑南大嶼郊遊徑出引水道, 第一次跑呢段, 都ok, 都唔係太長! 之後有沉悶的引水道, 好彩幾k而已!
碎石又斜都好蝦人, 行到腳仔軟, 落牙大家不斷"sir sir"聲, 好難想像慢了的要夜行上落是何等艱鉅 o_O
真的crazy, 以前一日行程一隻牙, 依家一走就幾十, 仲要又老虎又有狗牙.....有病! 咁玩足一日都係行左三份之一而已, 都未計之後的三份二, 仲要七除八拆.....oh no >_<
----------------------------------------------------------------------------------------------------------------------
操完山仲要跑定向, 好彩今日出得遲可以訓晏d ^_^
呢d距離又要講求速度又要準, 兩樣都唔係好得既我唯有盡力啦 XD
去到大樹下條斜路已要行行跑跑咁了 (不過都好過patagonia run嗰日了), 仲要一個大錯唔知點落好, 攪左好耐 >_<
之後返大棠d point又估唔到咁易.....
總算完成了, 仲呃左塊牌添 XDD
-----------------------------------------------------------------------------------------------------------------------
今次再試大嶼100, 目標分流一帶及上纜車站, 但無奈都要跟足全程去試先得 :p
一開始比大家呃左, 可以慢慢行上昂平 XD
近東山法門開始有雨粉, 但估唔到之後會咁大雨, 仲要今日全輕裝minimum裝備, 仲少過上次 :(
昂平道去觀音山好大雨, 濕晒之後好凍 >_<
去到狗嶺涌又大雨又大風, 咩天氣呀?! o_O 深瀝坑焗住要著衫, 濕左收工無衫都唔理了!
好彩雨終於停又warm up左, 過深屈d外星人狂放 XD
上埋纜車站可以收工了, 呢段路都不算太密, 只係無full cover既我係咁比樹括, 仲要成日甩鞋帶 (無preparation :p), d 路又斜又跣係咁打霧水, tired
最後金腰帶回東山法門之後, 大家又發左癲咁好似比賽咁跑落山 XD
kaka 又凍又攰玩大左, 之後跑long champ唔知點算 :p
-----------------------------------------------------------------------------------------------------------------------
濕凍又一日後個人都變得唔凍得 :(
馬鞍山燒烤場勁大風, 如果今日long champ跑不動又錯得勁, 會唔會凍死喺山頭呢 XD
又攰又凍都係唔好加操, 同大家 BBQ好過 ^_^
上起點比想像中暖和, 決定放低埋件風褸, 應該ok掛 :p
一出發都ok, 頭六個point都好順......就係咁就出事了 >_<
入林想甩人又被其他人狂跑影響, 失左位, 攪左好耐先重回正軌, 不過都已經......
之後既路even short leg 都好似好遠咁, 無咩心機!
過到鹿巢坳又錯又要係咁上落直線穿林etc......點都返唔到家鄉!
最後仲鬼"um"眼睇唔到point要回頭找, 原先諗住都一定要開OT, 最終去last control仲有幾分鐘, 即管搏一搏.....
最後時間岩岩好, 最後1 min返到去唔使超時, 估唔到仲有牌 kaka ^_^
