大愚合宿 (22 - 23 Sep 2012)

原先既Trail Festival取消了, 變來的是自制的兩日一夜合宿 ^_^
其實操咩都無定的, 我只係打算一班操下之後煮下飯仔傾下偈而已 XD

Route: 梅窩> 南山> 雙東坳> 大東> 伯公坳> 鳳凰> 纜車站> 彌勒郊遊徑> 東山法門> 昂平> 鳳凰> 大東> 黃龍坑郊遊徑> 東涌
Distance: ~33k





計劃只有是梅窩出發到伯公坳, 其間跑下行下等下, 都幾熱!
落大東時怪住講野, 腳側一側"un"左下勁, 之後幾步都行唔到, 要慢慢落山, 好彩都仲行到, 只係有d位就痛.....
之後既計劃就係上鳳凰, 之後既.....:p
上山都仲跟到下大隊, 仲要比"廢"爺讚我都算快 ^_^
on the way 找到失散多時既"ankle啪啪響" twins.....原來有人同我一樣行到"啪啪聲"的 :p
痛痛地慢慢落山, 之後大家相議(講數)去邊.....我就決定落360撞人回頭走!
最後, 去埋纜車站再繞金腰帶回昂平再上路!
一不做二不休, 鳳凰大東無走雞.....好攰呀!!! XD

唔使做又有得食又有得玩, 大滿足, thanks a lot!
充滿快樂的一個晚上 ^_^

大家懶洋洋的..... :p
同大家分手, 由南山出發> 鹿地塘> 奧運徑> 白芒.....攰攰地又驚腳痛又全副武裝(濕衫+etc.), 全行無跑 :D
又唔想石屎路返東涌, 有諗過去老虎頭但半日線唔通搭車走?!
.....都係死死氣上埋婆髻!
最後, 餓餓地都係黃龍郊遊徑落東涌好了 ^_^

難得星期日下午來個 high tea, 正 :D

 

自製大嶼50+ (16 Sep 2012)

Route: 愉景灣> 榴花峒> 老虎頭> 望渡坳> 白芒> 婆髻> 雙東坳> 南山> 芝麻灣大圈> 貝澳> 鳳徑引水道> 鳳凰> 昂平> 鳳凰> 伯公坳> 東涌

Distance: ~56k

近排做左兩個決定之後有點.....要調整一下, 重新上路!
想入大嶼山操多d上落又順便試下路(今日試左好多未走過既路), 咁岩又無咩團可join, 唯有獨個兒上路 =_=
每次入愉景灣都要好早, 今次仲自己一個走咁長(唔知幾長, 但plan時粗略估計應該有~60k), 早d開工鬆動d好一點!
晏左少少出門口, 好彩仲趕到7:25巴士入愉景灣 ^_^
落左車就要搵路上山, 未行過上二白坳呢條, 行到過晒籠要囉張map返轉頭搵, 最後好彩都搵到! 嘩, 今日一定熱死, 咁早就咁曬, 相比尋日真係熱好多, 點解咁對我呢 :(
呢條路無咁大級, 不過都斜斜地, 對小腿未warm-up好緊 :(
但條路真係好上好多, 較郊遊徑快, 如果有體能都有好多地方勉強跑到.....but not me :p
去到路交點都要上埋老虎頭個頂先走人!
今日咁熱, 落澗囉定d水做backup先 (今日不斷做呢個指定動作!)
去埋toilet又上山了! 囉番部mp3做伴先 ^_^
全程都唔敢太快, 長路漫漫又怕唔夠水, 一路行一路諗唔知南山有無水, 去到仲見唔見到 Salomon hiking d朋友仔 ^_^
早出發, 落南山終於見到d剛起步既行友.....I'm not alone anymore XD

去到南山無人, 水機又無水 :( 完左芝麻灣都係唔好上番黎, 去貝澳補給好D!

落芝麻灣時又見到好多Salomon trail running 既朋友仔, 即是忘記無野飲既不快, 興奮的上路 ^_^
但好景不常.....

芝麻灣去水塘o個邊的路未行過, 而地圖又無show, 戰戰兢兢邊行邊操; 好彩都ok!
但去到龍尾細圈心知不妙, 行左幾步都回頭, 都係shortcut左5.5k個細圈好了, 留多d時間之後上山玩好過!
個大圈牌話有6.5k, 但點解跑左一陣見個標距柱係 xx16既, 咁即是起碼有8k, how come o_O
嘩, 行不完的芝麻灣.....crazy! 仲要係最熱最曬既時候 :(
最尾兩三k好像怎也行不完一樣, 千辛萬苦先去番牌坊位, 仲有長長既馬路.....
乾煎既馬路不太敢/想跑, 怕水滾! 好不容易先可以有可樂飲.....人都癲, ~三十多畸 @_@

一睇條褲就知今日有幾辛苦!

但係.....仲要行, 好戲在後頭.....點都要上埋鳳凰先甘心 ^_^
今日特意帶埋部smartphone操山, 間中留下言報告行蹤比較安心d!
補給完又上路, 未行過要搵下路先上到鳳徑! 初時都有諗cut上南大嶼郊遊徑, 但見路比較密多雜草, 都係對自己好d舒服d安全d好一些!
試跑左一陣, 都係行好了, 悶人既引水道總提不起勁(上山仲好 :p), 加上驚跑爆, 都係集中火力操山好了!
點解上鳳凰仲咁曬架, 遠遠見到已經覺得好辛苦, 心裡想著只要挨到上去就算嬴, 最多地塘仔落山走人 XD
望下錶, 回程估計要幾多時間, 咁如果.....死就死啦, 今日都係想操上落je, 應該夠時間行多轉!
補給完(雖然知道一定夠水都打爆晒D水樽~2L, 因為遲d要比賽都要限囉咁多)繼續上路!
點解回程仲咁曬架 @_@
叫自己唔使咁快唔係time trial, 行完就ok可以收工, 都ok喎, 只係慢上次4mins XD
日落終於可以落山了, 今日真係用到盡玩到盡, 落到伯公坳岩岩六點 ^_^
又臭又想鬆下腳, jog埋落東涌收工, exhausted!

午夜狂奔與烈日曝走 (8 - 9 Sep 2012)

好耐都無操夜山了, 咁岩大家日頭時間唔太得, 就黎一次操到入黑!

Route: 北潭坳> 水浪窩> 沙田坳> 大埔道>.....沙田屋企
Distance: ~41k

嘩, 都唔知咩天氣, 入左秋都仲咁熱, 之前forecast仲有講過落雨, 點知熱到呢.....未行晒第三段就出晒水, 行到襪又濕, 頂帽係咁滴汗 >.<
補水之後續上路, 點知其中一人因工作要離開, 我地唯有繼續.....
日照時間越來越少了, 到茅平就要囉電筒/頭燈了, 順便食下野!
好耐都無走夜山, 有點生疏, 萬里長城都唔敢太快.....no way!
哎呀, 另一人拗柴, 唯有慢慢續上路; 好不容易到了沙田坳!
終於有汽水飲了kaka XD
大家繼續努力!
為免傷腳負擔太大, 大埔道又一員退下火線了 :(
攰攰地無咩mood又要無車獨自夜歸, 況且費事比人扯爆, 都係唔好阻住索K王怒爆 XD; 都係決定要"撤回".....
之後一個人o係大埔道跑返沙田, 續走城門河打道回府!
突然諗起o個次狂風暴雨夜媽媽o係街跑既情景 XD


原先想操健行大嶼線的, 但操左又要早上o係大埔海濱公園squad training, 唯有諗諗走下附近!
完事後有人陪, 真好呢; 但是日又熱又曬, 要走上山真的要不少勇氣, 再加上烈日走八仙就形同自殺 >.< XD

Route: 大埔海濱公園> 九龍坑> 八仙嶺> 大美督
Distance: ~16.5k

熱! 上到九龍坑都有d唔想行 >.<
去到Hok Tau去toilet兼fill 齊水先上路, 友人無停, 知佢expect我會追, 辛苦; 原本想放棄, 但遠處又見到, 唉....>.< 好耐都無試過上到腳仔軟, 如果自己行一定放慢d上會舒服d XD
友人快腳行行跑, 初時又熱又腳軟都不太想跟; 及後回復了好一點, 又是我鍾意既越野跑模式.....太熱血了 :P
最尾兩個峯攰死左 kaka
又一次有質素既操練, 大滿足 ^_^
是日飲不停!

捉"依因"既50k + 本季第一場暨久違既定向賽 (1 - 2 Sep 2012)

今年未試過走頭段, 再加上想試下囉番先路後山既感覺, 決定走一次頭50呢一課!
操前.....已連操(有運動既日子)7日了, 本週跑步里數已達40+打底.....相信必死無疑 XD
正如估計的兩大問題/弱項加埋, 一開始頭盤已經令我死死下, 辛苦到連跑落斜都喘晒氣, 差唔多到壩尾都係行算了 :(
大雨過後又跣, 慢慢黎好了, 沒精打彩! 友人同行但怕拖累兼有壓力, 好不自在, 出言慾勸退.....
多謝遷就及忍讓.....但估唔到誤會攪到之後的互相"捉依因"! 他避開我萬丈里路遠我就等, 聽到佢埋黎我先好跑, 我跑佢先敢跑, 遠左又等 kaka..... :P
thanks 同路人互相鞭策上路 ^_^
始終鍾意走山多過路, 人都精神d, 攰都能起死回生 ; )
..... 夜靜, 一訓落床, 心情十分鬱悶, 悔恨今日既操練不夠盡情, 未能如願.....帶點遺憾入夢鄉, 一覺訓醒重新來!
Route: 麥徑頭50
Distance: ~50.5k
Time used: 8hr50

今年第一場比賽, 仲要好耐無跑過定向了, Sprint短途賽更是跑到"疾疾"下 @_@
無奈今個賽季(得呢半年)有機會唔夠場數, 跑得幾多得幾多, 儲得一分得一分 :p
今個賽區有林跑下, 期待呢 ^_^
幸好今次先跑林後跑公園, 對腳既automatic mode得以啟動, otherwise跑石屎先就一定食X :p
縱使有錯及成績不如他人, 但目標已達, 跑左兩k幾就足以令我有"跑"Sprint的感覺; 且高訓練量疲累下還能有競爭力的跑OL, 為日後的賽事打了一支強心針 ^_^
賽後回家帶一點冰品到水浪窩為隊友打氣降溫, 續襯熱鬧觀戰支援 :D
晚上五十多人的飯局總結完美的週末!