長通奮大作戰巧遇惡天氣 (28-29 Apr 2012)

呢個星期應該係最後一次操長課既機會了, 諗左好耐都唔知操咩好, 最後決定下午出發, 操個雙坳再回鉛礦坳走衛徑去九龍坑八仙再環湖; 務求經歷一次通頂後仲要走那不斷上上落落的路徑, 盡量模擬比賽路線, 睇下自己能唔能夠保留力量以完成全程!
經上星期一役, 大家都不敢張揚, 無奈目標能力各異.....最後居然得inin & 我兩人上路!

Route: 北潭坳> 水浪窩> 沙田坳> 大埔道> 城門> 針山> 草山> 鉛礦坳> 四方亭> 萬德院> 林錦公路> 太和
Distance: ~60k





星期五的天氣真的有點嚇人, 連我都有點動搖了, 最後都係腦海擬定幾個方案, 照原定計劃, 看著走吧!
無事先張揚及天氣既因素, 最終得inin & 我兩個傻既上路 XD
沿路都唔係好多人 (可能下午/天氣), 諗真我地都幾傻.....我想可能是我倆都執著無操過一次長課及通宵呢! 正如老虎說, d 女的真係兇狠, 唔可以得罪 :p
雖然受過上星期教訓, pacing不敢太快怕操爆, 擬定12hr雙坳連休.....但諗深一層可以快一點的! ok, 順著舒服的感覺走吧!
雖然濕但有風, 心情又唔急, 好多地方都不知不覺到了, 感覺比上次&上上次同樣的路段為之痛快!
茅平開始要用燈了, 但有霧用頭燈d光o係面前散開了, 像一個屏障般, 看不清! 旅程的考驗開始了.....inin的頭燈出問題, 我個眼鏡不知怎的總有問題, 睇野好辛苦, 仲開始頭痛呢!
二人決定取道衛徑快一點到士多, 希望能趕上關門時間, charge足電好上路!
食飽休息過後上路, 口水佬打量我們一番, 保守的估計我們步程 kaka 聽過我們的行程後有點摸不著頭腦, 頗為有趣! (應該無人諗到夜媽媽咁既環境兩個女仔操山操通宵 :p)
頭痛加上share光源, 少少"論盡", 沿路一大跣無數少跣 :(
終於到了大埔道, 原來金山道真係唔比車入 (公眾假期第一日九時起至最後一日五時止), 太好了 ;) 沿路只見狗不見馬騮, 不斷吠又走黎走去, 有d驚添!
挨到城門inin修理頭燈但唔work, 期間好彩我地有講下野, 如果唔係一定嚇死班後生仔 XD
好不容易過了針山, 天氣尚算ok, 但不知怎的, 我開始打醉拳了! 平時石屎路都唔使開燈的, 但今日相對的要用神, 好辛苦; 最後迫著開燈了, 但眼望光源又眼光光, d 90度轉彎位成日唔識轉, 要inin拉住我叫我.....唔知有無嚇親佢呢?! :p
oh, 進度都頗為理想, 大約九個半鐘連休連食連維修到鉛礦坳; 途中不斷商議行程計劃既改動!
鉛礦坳開始有雨, 心想.....唔好掛! 此時見幾個大人帶住一班童軍仔, 準備o係亭bivy一晚, 他們見到我們覺得有d出奇, 唔知會唔會話我地痴線既呢 XD
見勢色不對, 打電話check下天氣又無雷暴, 雨又停了; 唯有繼續行程, 穩陣d著番衫先上路! 初時好鬼熱有d後悔, 好彩之後大風, 無錯了! 今日睇路已經好傷神了, 仲要好大霧 esp. 有風吹埋黎我一邊眼鏡就睇唔到野了, 要兩三步就用手指做水撥 :( 只能努力花神的跟著inin的步伐前進, 多謝不斷回頭看顧 ; )

到了四方亭, 行了幾步.....眼見前面有閃電......回頭一想臨落亭見到的光原來不是電筒光源(可能太花神睇路, 都無太留意).....進退兩難, 先回亭避一避.....但係N級風, 不可以久留!!! 我二話不說的建議落梧桐的路避, 但我未行過, inin之前行過, 詳問路況, 決定擇路而避! 行落少少已好一點, 無咁大風, 但見天色唔對, 我地繼續keep住落山好了! 一路行一路大話夾好彩呢 ;)
kaka 又濕又跣, 大家互不相讓輪著跣呢 :p
大家好耐都無到過林村, 入到村都唔知點樣出番大路, 幸好三更半夜有人.....又大雨又夜又見兩個陌生女子, 希望唔好嚇親人啦 kaka
出到大路但大家都無諗過去搵車搭, 無得操山唯有跑埋佢.....兩個傻婆三點幾落大雨咩住野係咁跑, 好好笑, 唔知嘔過既車見到會有咩反應呢 XD
到太和飲番杯熱朱古力, thx inin!
原本諗住跑埋番沙田, 但太大雨了, 遠處見到條閃電.....算了, 搭車走人!




返到屋企洗洗食食, 唔操通宵都上網上通頂試下先:p (返到屋企都差不多五點了)
嘩, d 雨越落越大, 大家不斷上網.....十五十六唔知去唔去.....有趣!


原定計劃不能實行 (通完再行睇下有咩效果).....原本諗下去join邊個parties行多轉, 但d雨越落越大, 唔好話去行啦, 出門口都成問題了! 最後天文台仲發出紅雨......ok 可以去訓了!
中午過後醒了, 仲見有太陽既?! 唉, 浪費了!
無奈有野未做又未食野, 出動得都太晏了, 又唔想再踩泥濕腳了, 都係跑步好了!
但見個太陽咁猛又咁熱, 訓得咁少見光會即死, 都係等收左太陽先出動好了!
太大貪了又無準備, 出發了不久就覺得有d餓, 好彩有帶八達通&水, 去circle k 買野食先 XD
之後見水機又狂飲, 又攰, 跑跑行行.....唔想move又想飲下野, 又去自動販賣機買野飲 kaka
exhausted & tired!



Route: 小瀝源> 錦英苑> 帝琴灣> 錦泰> 中大環迴路> 祟基> 大學站> 濾水廠> 小瀝源
Distance: ~25k

自我打沉的一操 (21-22 Apr 2012)

Route: HK100 1st half > 麥徑 M101 > 黃大仙
Distance: ~72k




原本以前會落雨的一天, 點知無落, 間中有太陽, 濕度都幾高下! 
諗住玩長課驚濕左會涼, 又少試著長tight, 所以一開始就"錯晒", 全程都好多汗, 濕晒! 再者, 落左成個星期雨之後, 好多地方都有泥"tum"甚至浸晒.....未去到西灣對腳已經濕了! (都估到玩長會有咩結果了)
今日最大既考驗就係要識得點樣控制pacing (太多不同目標的同行者了) & 飲食方面既計劃 (飲得太多了, 又要學識計劃邊度去搵食)
可能依家跑步多左, 所以都不其然跑.....
全程不斷跑...停...跑...追...
深涌開始既石屎路不太想跑了, often 跑跑行行, 唔知係錯覺定什麼, 好似有d暈暈地?! 不知是什麼問題?! 但個腸胃都幾複雜下.....好似肚空空, 但又飲左好多野唔想食, 但又想飲想食.....見他們入左士多, 我都黎一支豆漿及食件牛油蛋糕先! (之前西灣食左nuts bar, 黃石食左個腿蛋飽 only)
剛飲完一整支豆漿, 諗住行下, 點知.....佢地又跑了!!!
唔理佢地了, 不過都會盡力既.....上雷打石都好似ok, 但到了上雞公山就出事了.....
好似誓願咁係咁拖波, 中間仲停下腳步(一次/兩次); 途中電話響又要除背囊去聽, 好辛苦, 無氣講; 之後繼續上路, 剛背上背囊不久又響, 咁辛苦好煩, 唔聽了! 但係個電話一路係背部震動, 個心口隨著感到不舒服, 發覺大力少少抖氣個心口痛既?!?!
自己慢慢落返水浪窩! thanks 赤子幫忙搵食 ; )
休息食野及等人.....
又濕又凍又心口痛, 唔舒服?!
繼續旅程既得幾個人, 長路漫漫又唔知咩狀態, 本想走人免得拖慢大家進度, 但大家禮讓的說一齊儲k完成就夠了.....
抖左一陣都好左少少既, 不過一要上山抖氣都仲有痛.....
雖然挨到, 但挨完出事&扯大家後腿; 都係知難而退好了, 至少今課都比較長了, 不至白費呢!
最後.....點解行到既都要走人呢?!
上了寶貴的一課, 但餘下時間不多了.....原本都有少少信心可以嘗試target 35+- 的, 但經此一役後可以要調教番做完成好了 :(
...發覺自己上山力量依然不夠, 控制pacing未能得心應手, 大汗全濕身體及腳都有多處磨損呢(再長d點算?), 好耐都未試過行通宵了, 頂得住無?!
Train已經改變不大了, 唯有花多一點時間plan好execute好一點!

雙坳 (15 Apr 2012)

北潭坳 > 水浪窩> 沙田坳> 畢架山> 大埔道> 城門> 針山> 草山> 大帽山> 荃錦坳

~54k

Time used: 9hr59m17

Splits:

北潭坳
> 入嶂上 - 29'37''15
> 雞公腳M62 - 31'15''04 (1hr00'52'')
> 雞公頂 - 18'53''75 (1hr19'45'')
> 水浪窩 - 17'45''82 (1hr37'31'')
rest & fill 水 - 7'44''18
> 馬鞍坳 - 58'24''06 (2hr43'40'')
> 昂平路交 - 13'33''57 (2hr57'13'')
> 萬里長城 - 35'49''34 (3hr33'02'')
> 基維爾 - 27'52''86 (4hr00'55'')
> 沙田坳 - 29'42''33 (4hr30'38'')
rest & fill 水 - 19'46''47 (4hr50'24'')
> 畢架山 - 49'12''85 (5hr39'37'')
> 大埔道 - 27'05''98 (6hr06'43'')
> 城門 - 38'10''93 (6hr44'54'')
rest & fill 水 - 17'51''72
> 針山腳 - 7'04''68 (7hr09'50'')
> 針山頂 - 28'54''68 (7hr38'45'')
> 針山底 - 4'56''55 (7hr43'41'')
> 鉛礦坳 - 40'50''77 (8hr24'32'')
rest - 5'56''07
> 四方亭 - 41'38''10 (9hr12'06'')
> 大帽波波 - 21'55''15 (9hr34'02'')
> 荃錦坳 - 25'15''25 (9hr59'17'')

94 誤點, 要o係巴士站呆企廿多分鐘, 仲要飛站......:(

今日好濕, 但有風間中先比太陽曬下, 都算係咁啦 : ) 全程連頂帽都係咁滴水, 去到水浪窩對鞋都已濕透了!

e.....好耐無行第三段了, 原來崎嶇o個段甩cut斜坡鋪左樓梯 o_O

kaka 大家一路都話好似快左d, 如果想加長版操多d要唔可以咁快, 但又係咁走 XD

目標.....可樂, 可樂, 可樂! 今日淨飲都飲到窮!

hea 完又要上路, 停左再起, 特別辛苦呢, 沿路大位都停下吹吹風 ^_^

又一大發現, 金山路封左閘住無車入到, 除路口壩前幾隻惡霸外, 沿路的馬騮都比較聊良, 躺在路邊互相R痕; 咁咪好囉, 似番隻動物, 大家又行得安心d ; )

去到城門, 又要叉水狂飲; 此時軍心動搖, 有逃兵 kaka!

上針山開始力有不遞, 辛苦呢! 之後又係又長又斜既草山路, keep moving, 多謝大家就住唔跑等埋 ^_^

落鉛礦坳時開始feel到個下腹有d唔舒服.....雖然我都想試下四方亭落梧桐上大刀刃, 但都係知自己事, 不要扯大家後腿, 完成雙坳就好了 :(

點知大家二話不說一齊行埋雙坳算, 真的不好意思 :(

.....也許我真的很累, 也許我要睡一睡.....XD

清明復活跑hea遊 (4 & 6-9 Apr 2012)

諗住呢個星期應該可以操多d, 操d長課, 點知RTI拗完柴隻腳唔多聽使, 仲要開始少病, 天氣又唔好(病病地淋雨就好大件事了).....有點兒可惜!

4 Apr 2012
哥連臣角> 石澳道> 土地灣> 大潭> 淺水灣坳> 紫羅蘭山> 渣甸山> 小馬山> 鰂魚涌
~24.5k
岩岩跑完大圈, 識多少少路, 拜完山咁就腳一於走番轉! 屋企人搭車我就慢慢跑返屋企 :P
變身後背著東西負重上路! 今日天氣一流, 好風夠晒爽!
午後, 由哥連臣角出石澳道逆大圈而走! 走龍脊附近一段樹根碎石路, ankle 落腳時間中有痛, 今次好似手尾長一點呢 :(
到大潭不想走石屎/馬路, 續走港島徑到大潭水塘到淺水灣坳, 途中經過那可惡的出事地點 :(
tired & 時間不早, 棄走孖崗取道衛徑上紫羅蘭山, 印象中上紫羅蘭山多數走KOTH路線, 走衛徑拾級而上, 另一番滋味!
回程續練樓梯上渣甸, 落小馬要小心痛腳!
用腳走零車費, 賺晒 ; )



6 Apr 2012
太和> 大美督> 鹿頸> 沙頭角> 粉嶺> 太和
~39k
天氣不穩, 攪左好耐, 最終決定走去跑步!
唉! 我真係唔係好想跑步, 仲要由大埔出發走入大美督, 呢段最難頂! 無計啦, 天氣麻麻, 又話狂風暴雨行雷閃電; 況且前日跑trail隻腳仲有d痛.....算啦, 又練下自己既能耐, 始終都要練下路既!
挨到汀角村大家停左一停等埋, 回一回氣好了一點, 不用keep住係咁跑 XD
o係大美督食下豆腐花等齊人......突然落大雨.....想走人, 但又感覺有點兒可惜, 咁就無左一日假期?!
最後, 大家傻呼呼的繼續上路! 一起步好凍, 要係咁跑先暖番d! 路斜, 要頂住, 之後就可以落斜/平路回回; 抱著呢個信念終於到鹿頸!

討論過後, 大家決定入沙頭角, 試圖沿邊境路去上水; ok, 先食野再上路!
到沙頭角大家上網睇地圖走到邊境, 原來路是封閉不能走的 o_O (好彩je, 如果走到就無路退, 真係一條不歸路:p) .....
唯有打道回府! 途中又買左d糯米滋食, kaka 是日跑食hea團 :p

開始出現疲態, hamstring & hip 有點sore, 腳踭開始有d痛.....of coz, the shortest path back to 太和, 試下用腳走之前踩單車的村路!
hea 左一日, 時間岩岩好, 又係開飯既時候 ; )


7 Apr 2012
粉嶺> 北大刀刃> 粉錦公路> 打石湖橋頭登雞公嶺> 過337> 麒麟山> 古洞> 河上鄉> 大石磨> 虎地坳> 杉山> 華山> 松山> 坪輋> 沙頭角公路
~34k

一起身知道中左招, 感覺到病既氣息, 痰困肺腑 :(
是日行程不斷上落, 好似忍者咁又越過高山又越過谷 @_@
又話康復團, 點知起步無耐大家就快步.....仲跑了, 我都無你地咁好氣, 慢慢來, 睇你地跑得幾耐 kaka XD
好多年前好似試過一次由林村上大刀刃, 所以今日所及的地方大部份都未去過, 太好了!
上到北大刀刃, 回望遍滿紅紅綠綠樹叢的山崗, 好似一副油畫, 很美!

上雞公嶺初段好大風, 還被吹到移步呢, 雖上斜小腿有點繃緊, 但都要keep住行, 不容停下腳步! 上山容易落山難.....一時時啦, 但今日落雞公嶺都有點兒跣, 要快步keep住走下去; 但係.....偶爾太斜的路面, 腳掌拉直後, 後踭就有一點痛, 真的要步步為營 o_O
過337後一段越野路, 前天的腳痛已不再了, 感覺良好! (只餘太斜時un到後踭痛而已!)
好不容易過埋麒麟山, 到古洞午飯大休!
多謝大家遷就, 平路石屎都忍腳唔跑 ; ) (真係都幾憎跑步:P)
上完大石磨, 兜一圈又返回了河上鄉, kaka, 當然抵受不了$10任食的豆腐花豆漿buffet XD
原來去虎地坳中途會經過東江水水管的景點, 終可到此一遊 ^_^
杉山華山松山一帶山脊, 雖不高但路急且斜, 綿綿不絕, 不比上午高山大嶺的舒服; 但團友們開始發狂了 :p
(每遇丘陵地段我都會比較吃力, 應該是不夠power吧?!) btw 呢度操山操跑步又幾好喎!

遊玩過後望向最終站紅花嶺, 嘩!!! 咁遠既?! 點去呀! 再望望手錶.....應該去不了.....唔好push見好收好了 XD (雖然有點可惜食唔晒個全餐, 但今日都去左好多新地方)
續走原定路線.....的山腳, 又一次回到沙頭角公路了 ; )

8 Apr 2012
大家好癲繼續走大嶼連戰, 但我想訓晏少少, 況且要做一點家務唔可以咁早出門口.....
原本諗住自己一個走o下, 左諗右諗都唔知去邊好; 有諗過馬鞍, 有諗過九龍坑八仙.....訓醒先算了!
通常自己一個又話訓醒先算都會不了了之的 XD
落雨.....唔好出去好了, 免得病上加病, 最多晏少少睇下跑下步算了!
但個人好似唔係好妥, 唔好因為唔係k而走k, 都係休息休息休息...好了 ; )
估唔到咁多日假期諗住操多d走長一點都唔成功 :(


9 Apr 2012
今日好好天尋日又無走, 最衰要去上first aid重溫.....:(
帶定晒野睇下會唔會溫晒書仲有時間走下! 估唔到miss上午先溫CPR, 太好了 ^_^
咁好天, 個人又好番d, 午飯過後變身走人! (包紥唔聽啦.....kaka 想走梗係多藉口:p)
寶雲道> 灣仔峽> 布力徑> 紫羅蘭山> 孖崗山> 淺水灣坳> 紫羅蘭山> 網球中心
~18k (又要趕下場, 仲驚唔夠時間走添 :p)
咩住d野又曬都幾辛苦, 跑左一陣成個人就濕晒, 連鞋襪都吱吱聲, 想像唔到遲下熱d會點了!

RTI 2012 (1 Apr 2012)

Route: Event centre> 黃泥涌峽道> 寶雲道> 龍虎山> 香港仔水塘道> 香港仔水塘> 南風道> Event centre> 紫羅蘭山徑> 淺水灣坳> 大潭道> 土地灣> 石澳道> 哥連臣角> 康柏郊遊徑> 柏架山道> 寶馬山> 畢拉山道> Event centre 

Distance: 62.34k
Time used: 7hr06m58s (大會時間 7hr07m)

Splits:

細圈 - 2hr39m39s; 大圈 - 4hr27m19s

愚人節最應景既節目, 莫過於膽粗粗報名玩RTI環島跑了!

今年好似無報過任何路賽, 因為真係唔係好鍾意跑步, 要keep住唔停咁跑好辛苦, 我鍾意跑下行下多d XD 咁點解又會咁傻走去報名呢.....
又係o個句, 鬼叫報左UTMF咩 :p 一心都係打算儲k, 況且呢個大賽大家都應該會報, 咁又無人操山, 黎緊又有幾日假期, 如果要操山都大把時間; 況且, 跑山都其實要夾雜d路跑的, 好似UTMF就有差不多30%石屎路, 點都要練下既!
.....
一心都係儲k+練跑, 迫下自己, 所以跑完大嶼50無咁攰就又開始跑了, 連跑3日, 兩日路一晚夜山, 五十零k! 係咪傻架, 呢個星期要跑RTI喎 XD 都有少少擔心架, 但以完成為目標, 又無expectation又無target唔使快; 原先仲想跑完之後玩一陣上落, 睇下自己有無呢個能奈添, 所以選擇早一點出發, 時間充裕一點!
.....
細圈一開始要走寶雲道, 又平又要keep住跑, 經驗話比我知是辛苦的, 唯有慢慢跑唔好理其他人, 點知咁慢都走錯路! (跟左鐵絲網繼續上無轉落樓梯, 印象中上次好似好raw架, 無鐵絲網的).....好彩識得回頭是岸：p 好不容易挨到龍虎山橫腰trail過香港仔水塘道, 即是番生了 ; )
到了香港仔水塘, 太好了, 應該好快可以跑完細圈 ; )
.....
CP3太正了, 估唔到有好多野食, 仲有可樂添, 慢慢歎唔願走 :P
食飽停左一陣走大圈, 一開始未適應到; —離開石屎路, 個人即時醒神，跑到有d high high地, 係咁pass!
過了淺水灣坳不久, 一個90度過澗位，前面賽員行外線停左一停，我以為佢讓我內檔過，點知佢突然移過黎…..自然反應.....拗柴鳥！ 即時坐左喺度唔郁得！ 抖左一陣起身行有d痛，心想大圈剛開始, 長路漫漫, 仲有5月比賽先係主菜麻, 打算退出, 但都要行番出石屎路先得！
到壩后檢查無腫，應該係un到條筋, 有d angle 會痛! 試腳慢慢jog, 就住用另一腳發力, 出番大潭道CP, 又見番我既仇人 x&#*y%！
見無咁痛之後多數石屎路無un腳應該無咁痛，就算跑跑行行應該都夠時間, 最多見步行步隨時quit!
可能用多了另一腳發力就住跑, 攪到快左攰添! (當然之前係咁索k都有關係 :p) 上到龍脊山腰路, 個ankle無感覺順番了, 不過都要小心跑, 每遇要過人避人避狗就有d陰影了, 慢慢黎!
最尾10k拖波拉車, 攰唔想推爆自己(無謂麻), 又肚餓; 跑跑行行, 好不容易才挨到返去!
Anyway，跑路辛苦過跑山，第一次玩有甘既時間好收貨了！
—步一步克服自己既弱項, 感覺進步中, 但你要我choose我都唔係好鍾意跑路呢 ; )