HK100 Training 1 (21 Jan 2012)

Route: 北潭涌> 上窰郊遊徑> 西灣山> 西灣> 咸田> 大灣> 赤徑> 土瓜坪> 黃石> 大灘郊遊徑> 灣仔> 海下> 白沙澳> 深涌> 雷打石坳> 雞公山> 水浪窩

Time used: 7hr45m45



Split time:
> 上窰郊遊徑(麥徑) - 44'09''7
> 東壩尾 - 41'44''7
> 西灣山 - 40'13''32 (2hr05'57'')
> 西灣 - 27'04''57 (2hr33'02'')
> 黃石 - 1hr34'46''21 (4hr07'48'')
> 攔路坳 - 54'15''99 (5hr02'04'')
> 海下 - 13'07''14 (5hr15'11'')
> 深涌 - 1hr16'06''62 (6hr31'18'')
> 雷打石坳 - 22'25''06 (6hr53'43'')
> 雞公腳 - 14'36''45 (7hr08'19'')
> 雞公山 - 19'06''05 (7hr27'25'')
> 水浪窩 - 18'19''41 (7hr45'45'')

第一次由頭操起, 仲要好耐都未試過一次過操 >50了, 原本諗住帶齊野行得幾多得幾多, 可能步伐太急了, 比較辛苦, 又無伴, 最後都係去到水浪窩走人 :p
如果繼續走下去, 餘下的50k又會如何?!

ROGAINE6 2012 (15 Jan 2012)

賽區:  大欖郊野公園
賽事中心: 保良局大棠戶外康樂營
組別: SW6 w/Amie
限時: 6小時
用時: 5hr29m25s
路線: Start> 30> 31> 40> 41> 47> 46> 45> 55> 64> 50> 42> 32> 37> 63> 51> 36> 38> 39> 43> 44> 54> 34> 33> Finish
(30.15km, 1363m) http://connect.garmin.com/activity/141824881
得分: 910
Rank: SW6 1st, Overall 3rd

今年已是連續第6年參加ROGAINE賽事了, 好像是一個每年必須要參與的盛事一樣! 回顧以往5年的賽事(2007-SW24 1st w/Amie & Fiona; 2008-SW6 1st w/Pauline; 2009-SW24 1st w/Amie; 2010-SX6 1st w/Barry; 2011-SX24 3rd w/Barry), 原來未同過Amie玩6小時的比賽! 說實在的, 呢類比賽要搵人玩真係好難; basic既體能一定唔少得, 同時亦要有一定圖針技巧; 而兩者得兼的人少之有少, 如能兩者得兼, 又會嫌我慢未必肯同我玩; 但我想純參與去玩d人又唔信唔肯同我玩; 而通常都係有expectation要睇圖又要玩體能, 壓力大又辛苦, 唔想!

與Amie拍檔無論圖針與體能都可能比較配合, 而心態上進取vs輕鬆亦相對得宜! 但佢個衰野成日妄自菲薄, 話靠晒我又唔做主導, 而話晒係比賽, 知己知彼亦是無可厚非事實.....攪到每次都有壓力! 最慘今次自己亦無做任何preparation, 仲會煩惱因為要比賽打亂晒操練長途賽的時間, 全是負能量, 仲面對正壓力.....無奈, 很想逃避! 但大限將至醜婦都要見家翁 :(

在家食個早飯, 未天光又要出發了! 乘坐大會第一班車到了賽事中心, 但要隊伍齊人才可登記獲發地圖, 唯有換下衫執下袋先啦! 囉了地圖就去搵個地方做planning, 但環顧四周都沒有瓦遮頭的地方, 幸好只是毛毛雨粉, 唯有趕快highlight地圖入膠袋為妙 ;)

粗略看了控制點的分佈, 比預期的容易呢, 西面大欖劣地只有幾個point, 以我地既體能&跑速, 雖然打point路線順暢及明顯, 但一來一回不是很化算呢! 而南面的控制點就相對密集容易食, 但只取環湖一圈有剩時間想取多一點都不能, 況且想到上年去探監既奪命狂奔就即時灑手擰頭了 :p 而東北面的山頭就可比喻為雞肋! 好容易就決定了來個順時針大步走! 但以6小時時限, 南面的點一定不可太貪, 其分數只是密集不太高但要時間回程; 故此, 最終Flight plan 就決定先上東北面既刀山, 回程取一點南面控制點就回轉伯公坳, 再到環塘尾"創"西面山頭一兩個油鑊點; 比較進取, 但都要睇時間彈性決定啦 :p

一起步可以步伐急速了一點及無咩mood比賽, 比較辛苦及犯了不少錯誤, 初段大樹下的兩個point就已經要來來回回搵路入了, 之後過掌牛山一段綿綿不絕的上落坡, 好像行極都行不完一樣, 心想會不會是行錯了這一步棋呢?! 算了吧, 唔掂咪當今日係操山訓練囉! 沿路都只有行山人士參加者只有零星一點, 接近大欖隧道一帶才聽到不斷的狗吠聲(i.e. 由村路上山) 此處的數個控 制點分佈在不同的山脊, 要全取就必須要dog leg上落, 頗花力氣呢; 況且大霧大風, 難度亦相應提高了! 又無狀態眼鏡又朦茶茶(唔記得用防霧添), 很想"橋"埋手腳唔諗野二字底算了, 但一次又一次要relocate/回頭之後, 真的好忟憎, sorry! 好不容易終於完成晒呢度既任務可以回頭了, 哎呀, 原來又要爬番上個山, oh no :p
看一看手錶, 都係用左兩個半鐘多d而已, 之後既路都唔會好大上落 & approaching to finish睇住食, ok啦; 個plan都不是很差je, 用左一半時間, 如果同大欖水塘南面執豆的隊伍比較, 應該不會輸蝕; 唔知係咪咁既原因, 跑下鬆下, 豁然舒暢呢! (因為係我話咁plan, 之前覺得好似行錯棋ma) 又或者係因為又中左頭半挨打warmup後段進入作戰mode既魔咒呢 :p
此時此刻, 環顧四周, 其他隊伍多是用行的, 而我地還可以半跑半jog, 好似好勁咁 kaka :p 我地keep住follow個 flight plan, 都好順利呢; 話雖如此, plan係咁plan, 我知道我地唔會去西面山頭, 唔好咁辛苦啦; 當然, 我地既體能都開始 drop緊, 一陣返唔到終點就大件事!

最後, 我地都係保守d, 寧早莫遲唔好過時, 早成半個鐘返到終點 :p (相反上次玩6小時, 最尾半個鐘都仲搏跑到東心淇囉埋個point)
賽後睇番, 去完 38> 48> 52> 43> 39 應該夠時間而又好d, 咁就多90分, total 1000分了 :p
今日由比賽開始一直落雨, 越落越大, 賽事中心又沒有瓦遮頭, 都很狼狽呢! 幸好我地相對早返, 可以先攻佔個亭, 之後去個tent度換番d乾衫呢!
時間一路一路過去, 亦越來越多人返回終點了, 大家又濕又凍又無處容身, 等好耐又無成績出, 周圍搵地方"lei" :p.....
最後成績終於出了, 一如以往"山川"友都有不俗的表現, 今次ROGAINE6更囊括多個獎項; 同時Squad的青少年隊員亦有好好成績, 實是高興!

KOTH Series 11-12_SKM (8 Jan 2012)

Route: 北潭涌 > 雷打石坳 > 榕樹澳 > 深涌 > 白沙澳 > 海下 > 驢仔石 > 大灘 > 黃石 > 土瓜坪 > 東心淇 > 赤徑 > 鹿湖 > 西灣路 > 田尾山 > 萬宜坳 > 上窰 > 北潭涌

Distance: 37.4k

Time used: 5hr17m13

Place: 50th

FO Rank: 3rd

Splits:

> 榕樹澳 - 43mins (0:43)

> 海下 - 1hr02mins (1:45:00)

> 大灘 - 47mins (2:32:00)

> 土瓜坪 - 49mins (3:21:00)

> 西灣路 - 45mins (4:06:00)

> 上窰 - 49mins (4:55:00)

> 北潭涌 - 22mins13 (5:17:13)

一開始都跑得幾順, 為左唔想塞車, 平路暗斜都keep住跑, 入左鰂魚湖上斜都要keep住快步行! 唔想既事終於發生, 過左第一個岩面地, 前腿前脛肌開始罷工了 :( 唯有放慢腳步, 但點都好似未有改善, 攪到平少少既路都繼續要行, 途中不斷比人超越了; 落到榕樹澳仲有漫長既石屎路要跑, 這全都是對痛腳既死穴, 心想.....唔通新年想要quit既魔咒依然陰魂不散?! 落得場跑起碼都要完成半馬, 但係咁樣就無得計分了, 如果2月尾o個場要玩定向,咁咪無得計overall..... so, 行都要完成吧! 過左榕樹澳個水站就是一大段繞海邊的石屎路, 無事無幹都已經跑輸人一段的, 依家要鬆腳, 再加上腸胃好似唔多落隔; (呢幾次跑比賽都係咁, 轉左pacing唔習慣, 要諗諗計tune下食咩先), 迫住轉為行行跑跑mode, 希望上番山路可以正常番啦!

Be patience.....終於有d轉機了! 挨過左深涌既一段山路, 個人開始上力, 進入比賽mode了! (你話死唔死, 又用左10k先可以warm-up到...) 不過都唔好急, 之後既路段先甘, 況且上山既power始終麻麻地, 就算之前咁慢都會攰架ma :p 

根據上年既經驗, 過左大灘之後既路段是好孤單的, 間中先見到d人影, 但尾段會追番唔少人的! Let's go! 

除左一開始密林一段及碼頭一段見到下人之外, 進入東心淇一段寥無人煙, 一個人跑更覺荒涼! 東心淇山頂呢段少密崎嶇要捐要跳, 都難到少少體力已消耗的人呢, 但我又幾鍾意喎, 到我開turbo了, 追番唔少人呢 ; ) 順住個勢繼續去鹿湖, 但要o係陽光普照既劣地上行走真是要命, 頂住呀! 望望手錶, 雖然頭段未如理想, 好多同組應該o係我前面, 但睇個時間, 應該都會快過上年既, 總算有點兒安慰!

終於到了最尾一座山了! 工作人員沒有如上次的為我報上排位, anyway, keep going! 囉命既上山, 好攰呀! 望見不遠處有女賽員, 頂住唔好停keep住行已好好了! 呢段路窄且草長, 大家都小心奕奕! 我係上山攰d姐, 落山完全無問題, 衝呀! 可能佢地有壓力啦, 好nice又唔mind咁讓比我過先; 但每次過都要加倍的power, 再加上落斜過人續上斜, 又唔可以cut完線收制減速咁無品.....短短既take over 差點囉我命 :p 死罪可免但活罪難饒, 大枕蓋後段到終點都要拉車, 好彩無比人過番je :p
最意想不到的是.....居然同上次一樣, 可以囉到組別第三, 性別第四; 同樣, 亦是輸成條街, 無得比!

---------------

抖下食d野之後, 逆走朋友操練路線撞佢地, kaka 又 KOTH 多一次去返榕樹澳閘口, 來回10.5k, 埋單計是日48k, 攰到抽筋 :p

HK100都未操過, 又無長課, 唯有短途比賽pacing再加操, 都勉強夠數既; 但160k真係要諗下點操好了!

東北縱走 NEMM 2012 (1 Jan 2012)

Route: 烏蛟騰 › 新娘潭自然教育徑 › 橫山腳村 › 鹿頸 › 雞谷樹下 › 鳳坑郊遊徑 › 金龍脊 › 山火瞭望站 › 亞媽笏 › 分水凹 › 荔枝窩 › 三椏村 › 三椏涌 › 下苗田 › 横嶺坳 › 九擔租 › 吊燈籠 › 芬箕托 › 烏蛟騰

Distance: ~28k

Time used: 4hr30mins
Rank: 12nd

原本諗住聖誕假期咁玩法(連戰5日)一定乾晒塘, 點知, 今日既死因唔係體能問題, 而係.....
未天光晨咁早就要起身, 之前一晚大除夕都不敢出街, 只好在家自行倒數 :p 雖然都唔算早訓了, 但咁早要訓真的不太習慣, 訓得唔好呢!

唔知點解無咩鬥心, 換衫執野去埋toilet後只係象徵式熱身拉筋而已, 不斷同跑友chat.....時間好快就到, 上線了.....死火, 想去toilet添, 點算?! 咁遠又無時間了, 出發後看著辦吧! 去到橫山腳村就要一路跑一路兩邊望搵地方, 一來找不著二來比賽既心魔又叫著不要停; 但過了尤德亭開始頂唔順了, 好唔舒服, 唯有收慢少少步伐, 一到石屎路入村就解決, 途中比好多人過了 :(

開始上金龍脊, 大家都收慢番少少, 終於可以見番中游既尾燈! 不知道蜂巢在那裡, 但聽說很多人被針了; 好彩大步欖過, 過左山火瞭望台開始落荔枝窩, 可以開 turbo了 :p

分水坳落左一半左右, 右膊有點兒崩緊既情況出現(唔通因為今日手囉支大水?!) , 而之後到下苗田有一大段路是要跑的, 如果跑不到就大件事了, 唯有再一次收收制!

到CP加完水食半條蕉後打算走時, 突然發現號碼布上的空格沒有打印, 明明一到point就去打印的, 點解無既, 於是回頭找工作人員重新蓋印好了, 免得繼聖誕白做後又一單無頭冤案! (原來佢打左去有顏色的地方, 再打慢慢打都唔打入格, 都唔明點解.....)

開始出現疲態又唔夠鬥志keep住跑, 途中更要不斷閃避人潮, tired! 無試路又出現毛病既我, 之後既路段活像苦路呢, 更有想中途退出的念頭呢 :(

上大峒腳軟軟都應該係正常既:p 但萬萬想不到自己的身體正在出現問題, 又是那個老毛病, 個小腹"谷"到爆, 囉囉攣, 好唔舒服 :( 估唔到o係唔跑頹行由大峒去橫嶺坳落九担租呢段路係咁漫長的! 途中被不少公開組及挑戰組的賽員過了, 但都不為他們所動去跑, 完全頹晒灰爆, 仲想不如九担租就quit返回終回點(仲有吊燈籠要上)! 但諗諗下元旦新年就要棄戰, 成何體統, 之後一年怎樣過呢?! 不如o係CP等朋友之後一齊行埋佢, 但又唔知要等幾耐, 可能凍死餓死啊; 最後都係決定到CP之後抖下, 試下睇下可唔可以減壓, 再上路!

o係九担租CP呆等左一陣, 之後都係決定慢慢行上路! 唔知係洩左氣太頹定體能問題, 全程慢慢移, 就算之後落山都一步一步落(慢慢落攪到個膝頭有少少痛添:p), 只能於最後返終點出石屎路才免為其難的jog下!

總括而言, 是次preparation太"媽敷"了, 飲食有問題, preparation routine有問題, 無咩心玩又要去玩; 同時, 其他人認真了, 勤力了, 跑快了! 如果唔想咁辛苦, 又想新年跑下聚下, 可唔可以玩公開組呀 :p
睇前輩南哥賽後感後, 轉念一想, 希望新一年好兆頭, 好似個時間咁, 430穿梭機, 一飛衝天 ; )