拉橡筋的十一月 (5 - 30 Nov 2012)

全城毅行, 不參與好像決少了什麼似的 =_=

可能係渣打前唯一的路賽...NB 15k!
一開始上斜, 全石屎又引水道, 又辛苦又悶呢; 但都要去克服!
好不容易挨晒條斜路, 跑了一會兒個hip好似緊緊地, 唔敢太快!
好快已經見到紀大人回程, 真係快到.....接著見到主車群, kk等, 我都要加倍努力 ^_^
好不容易到我回程了, 但死火啦, 開始對四頭肌抽抽地 >_<
放鬆跑不敢快, 將集中力留心於自己既軌跡, 小心唔好跌落引水道!
挨到十多k又好似好了一點, 繼續keep住個flow!
到斜路頂了, 即是還有2k多路就可以衝落終點, 頂住呀!
最後1k用盡力.....
大會時間: 1hr14mins15 (組別6th, 性別15th)
晶片時間: 1hr13mins12

無玩都要落下場 :p

今年既天氣真的好好, 無奈及可惜未能落場..... :(
唔落場既好處就係可以一睹冠軍隊既風采及頭隊緊湊既戰況; 還有的是可同各路朋友打氣寒喧 ^_^
是日空中加油水浪窩至城門, 再由荃錦坳到尾; 雖然唔係自己比賽, 但隊伍及其他朋友都做到好時間, 十分欣慰呢 ; )

星期二三四都跑左interval, 攰死左, 星期日Patagonia Nature Run應該未能完全復元, 大件事了 >_<

比賽都玩咁大, 係咪傻左 @@
可能搬屋搬到傻左, 唔想因為咁改變晒所有o野, 咪keep住堅持咁去做; 又唔係一定要嬴, 只係想盡量做到最好je :p
由比賽開始就一直落著雨了 >_<
一起步開快了, 好不容易挨到大樹下, 頂唔順要行下回氣, 如果唔係我驚臨尾香得好緊要 @@
o係大樹下係咁比人過, 無奈, 但都要認衰, 始終力有不遞 :p
可幸大欖涌郊遊徑見番晒大部份人, 之後石屎路到河背都同kit man倫姐拍跳! 上回麥徑石屎路又被兩人快放, 無奈, 只有死忍繼續, 墮後在一個可控的範圍內, 到MTB元朗仔路段希望扳回來 =_=
到左山路就開turbo盡力快放, 有的路段還跣到有點out of control呢 :p
戰戰兢兢的死守回終點!
時間 2hr36m09! (組別及全場第三 ^_^)
p.s. 估唔到要講番幾句 :p
http://www.actionasiaevents.com/index.php?view=article&catid=1%3Ageneral&id=141%3Apatagoniapostnews12&option=com_content&Itemid=5

轉型操少了山的日子 (27 Oct - 4 Nov 2012)

tired & busy 又要跑又要操又要執野搬細屋 @@
決定唔玩毅行之後就報了HK50 (玩毅行就要夾隊友操盡量留晒d時間比大家.....我係咁諗!)
跑港島, 頭半走港島徑, majority of route係可跑性高的, either石屎/fast running trail; 之前假期走了一次頭半, 跑死人, totally not my cup of tea; 今年希望可以narrow同主車群既gap, 所以想睇下自己能耐有幾高, 今年玩多d個人賽, 硬仗就硬仗, 迫自己去一個uncomfortable zone >.<
10月頭Hasetsune之後都無長課, 最多都係<30k, 況且hamstring都攰攰地, 而個膝頭唔知做咩近排有d唔妥(maybe因為之前pk撞到既關係o_O), 有點兒擔心, 不斷急救希望減低個risk!
一開步.....大家都好快, 我盡跑盡keep都大墮後 :(
呢個星期腸胃仲有d唔妥, 未到半程好難耐, 沿途不斷想搵toilet; 原先想上灣仔峽解決, 去到路口又怕人以為我shortcut, 囉囉攣.....到半程位, 有toilet, 但個勢又唔到我停, 見又忍到咪繼續去 XD
唔夠k (路k maybe), 知死了! 去到金督馳馬徑已經唔可以keep住跑, 要跑跑行行.....心想, 渣馬全跑唔行又要時間, 點頂, 開始信心動搖了 >_<
好不容易才出到柏架山道, 終於見到少少相熟面孔, 好像打了支強心針似的!
dog-leg 入康柏郊遊徑再上斜, 慢慢行回回氣, 希望野豬徑可以走翻生啦 ^_^
臨出水塘終於追到d外星人了, 好想有人陪著我走添 :p
on the way 出大潭道有賽完23k的back to trail做support, thanks a lot; 沿路有一些supporter加油, 而賽員(無分前後)互相勉勵, 哪悶透的石屎路才好走一點!
由金督馳馬徑開始同一女賽員互有前後, 但佢好跑得! 一來不太喜歡跑石屎路; 二來太攰了隨感覺去吧, 要過就過吧; 三來石屎路回下氣, 待回trail可試放一點扳回吧!
紫崗橋後知道掛第四位, 前又追不了, 睇下守唔守得住!
最後, 以5hr24min完成比賽, 女子總排名第四, 總算有個交代了 ^_^

呢個星期晚晚慢慢執野攪到三四點訓, 仍堅持跑左兩晚 (10隻400 & 4隻5k.....crazy o_O), tired >.<
原先打算操一課長課, 唔知係咪耐無操山&唔夠精神, 易tired; 一點都不輕鬆!
去到咸田, 加插探營環節, hea 左 ~2hr @@
其實又唔係趕時間又唔係要操夠數, 自由行而已; 但hea左咁耐總叫人個心好急 (even physically not!)......好似好趕咁!
無揸定目標, 最終榕樹澳出水浪窩走佬 XD :(
屈指一算.....其實好似無咩時間操呢條線了, 浪費了!
but Zzzz.....坐低就自己眼閉了 :p