起步了, 一直百萬行式的行到大會 banner 下才開始帶著繞場般的速度向前走.....心想, 萬幸, 岩晒我可以慢慢黎 :p
走出大街開始離開小鎮了, 雖然唔知道前面的路是如何的, 但我已經開始有點兒吃力了, 又熱又要跟著走; 頂住.....oh, 到一處有岩場攀石的地方開始離開石屎路入小徑, 係時間放慢腳步....行了 >_< (如 F時一樣, 周圍的人仍在跑 :P)
誤打誤撞喺ipad搵到個apps可擬定行程計劃的, 但計完之後, 40hr plan計出來到第一個計時站距離 cut off 只餘幾分鐘.....how come?! 不教令人有點兒擔心 >_<
之後 Le Delevret 一段開始上山, 係時候出 pole了! e.....不遠處見到 Janice, 太快了?! ok啦, keep 到就繼續, 免得比人cut! 好不容易上到頂, 之後一段 Saint Gervais 就是勁落了! 一路都 keep 得唔錯, 小跑都ok, 連最初一起步跑石屎路個ankle feel 到受壓唔舒服嘅感覺都無晒, 落山跑d步伐都好順, good, 但唔敢快, keep 住就好了! 入城, 沿路有人打氣, 氣氛好好, 終於到第一個有 refreshment 的check point 了! 不餓, 食少少飲少少 fill 滿水就上路!
上上落落又到 check point 了, Les Contamine呢個 point 可以有自己 support, 之前話有機會見到媽媽的, 我估應該已走了! 出 point 問工作人員 toilet 在哪, 原來喺入口, 唯有逆人流而上.....舒服晒, 繼續上路!
之後 d point 都不太清楚分到了, 睇個表的地方有d係有實則的站, 有d係咩都無過左都唔知只係路過而已!
Norte Dame 一段應相對好走了, 睇時間應該穩穩陣陣了, 可以放鬆少少 ^_^
心是安的, 因為時間一直比 flight plan 早, 同時心理上覺得無論路況及天氣(今年), UTMF都比較困難吧; 呢次 UTMB 有的就只是大(悶)路一條, 大上大落, 及欠操練的我吧!
經過教堂, 自制蠋光路燈火堆就開始上山, 先是途經岩面地而上, 之後彎彎曲曲的"之"路, 過小水流, 還有一處需要踩雪過的地方; 上到都唔知邊度打邊度了, 只知舉頭望天有好多星星 ^_^
大上一輪必有一落, 應該是到了 Les Chapieux, 入 point 時傑出 point 叫我, 立時醒晒 ; )
之後一段 Col de la Seigne 要上成千米, 入意大利了, 食飽好上路, 食d 熱嘢先, 原來係一d味精湯+稀疏一絲絲 (麵 or cheese?!)!
不荒不忙又起步.....凍凍地添, 係咪應該停低著衫呢?! (嗰時我都應該仲係短衫+windstopper vest, 手襪 only!)
上一千.....ok 啦, 一開始石屎路上, 就當大帽山咁上啦, 仲要好乞人憎咁唔開燈慳得就慳 :p (有點暗自歡喜, 嗰時嘅我上山已有點吃力了, 石屎路都仲ok可以快行)
終於要離開石屎路上山了, 上左一陣開始肚餓添, 食得少又無外賣, 好彩都帶左唔少嘢食je!
半路停埋一邊食少少嘢, 點知有幾個工作人員 (著螢光 vest) 走過來趕我走唔比我停低, 話凍 wo.....ok 啦! 好, 食夠抖完又繼續!
再上.....ummm....都係凍凍地, 著對手袖先 :p
e.....都唔知去到邊, 應該到左了, 又開始落了!
ummm.....應該是 Lac Combal, 仲未天光! 又飲碗湯就上路! 今次精了, 攞少少嘢食走, 不過都係無咩選擇 >_<
行一段平路之後又開始上山了, 天開始光, 人又開始肚餓, 有無咁快呀 o_O呢邊 d 山好靚好壯觀! 又係上唔完嘅山, 周圍都有d未溶嘅雪, 好寒呢!
好寧靜, 路兩旁一群群牛噹噹響!
好不容易日光初現 Arete du Mont Favre 睇日出! 又見番 Janice! 大家不若而同話好辛苦又悶, 唔會再玩 :p 我話攰攰地就停下影下相食下嘢!
目標更加強烈.....一來緣由於此, 二來難的好天氣, 又唔想喺唔知咩情況下挨多一次, 所以一定要完成!!!
落山唔敢快就住行, 她先走, 我繼續用我嘅步伐平穩前進 ^_^
入城, 終於到 Courmayeur 了! 77.1k done!
oh.....what a big surprise!!!!
點解大家喺晒度嘅 o_O
之前pack左嘅衫都無著, 唔使喺 drop bag 執衫, 換對鞋換多個頭燈charge下隻gps就上路! (個袋又重左 >_<)
攪下攪下個時間又meet番個plan了!
大家唔知仲咩個個都唔想玩咁, 係咁 hea, 話不如一齊完成好了, kaka :p (唔係嘩, 又係咁?!)
Lilian & 傑分別先行了! (三個男子組嘅狀態比較怪異 :p)
開始唔係用自己嘅步伐, 上石屎路都還可以, 之後一入山路就比較辛苦; 唔理了我要慢慢行, 大家開始遠離我的視線.....
認知中黎梗呢段應該幾平緩, 我繼續 keep 住 "行" mode!
但點解行極都唔到嘅 @@
攰攰地又停埋一邊影下相 ^_^
終於到 Refuge Bonatti!
跟住去 Arnuva, 應該落多過上, 但又好耐先到.....
接著就是全個course最高嘅地方 Grand Col Ferret 亦即是開始入瑞士了!
路過不時見有人休息有人訓覺! e......呢個咪 Janice, 叫下佢睇下咩事先, 原來悶爆了 Zzzz..... :p
她又一次離我而去了, 88!
之後幾段應該落多過上的地方, 又係行極都唔到....... >_<
聽到噹噹聲滿以為到了 La Fouly, 點知仲未到, 肚餓又攰, 停低坐低食嘢先!
附近有個外國人一路講電話一路同我講佢打算quit, 話隻腳好痛, 佢第二次玩了 (我諗佢意思係都完過一次quit無所謂), 我就話第一次玩要完成!!
沿路見到d人都好親切, 不斷 Aller Aller 打氣又 Bravo ^_^
入 pit 出去先去 toilet, 有幾個人排隊, 但一見我係賽員就讓我先, 香港一定無, many thanks ; )
究竟係d 嘢唔岩食定之前d通粉油得濟, 個肚好似有d唔舒服, 個胃口又開始唔多妥 @@
唔知點解入到瑞士d路好似怪怪地, 好似捐黎捐去唔知去邊咁 o_OPraz de Fort 又係無point的, 左穿右插入村出村, 諗住去 Champex-Lac 係城黎嘅, 但唔知點解又要入山係咁上, 行行下又有人截去scan 號碼布, 之後 notice 話仲有 1.5k.....咁究竟去梗邊架?!
都係趕唔切日光時間到point, 又要攞頭燈, 隻 gps 又 low battery.....
去到石屎路有人打氣但又未到要繼續上 @@
呢度有長通粉食, 雖然油但轉下口味都好 ^_^
換件長袖去埋 toilet 就好上路, 點知.....撞鬼呀, 成班又喺晒度, 仲話等埋我行..... (攪到我都去得唔安樂 :p)
唔通真係整定?! behind schedule ~30-45mins了, 都開始有少少懷疑 6hr buffer 夠唔夠用.....都好, 有伴好成事, 而大家又好似真的想這樣, 呢次應該無問題掛?! o_O
入夜個人開始謎 (其實由第一晚開始都已經好Zzzz.....應該係一路都唔夠訓所致)
下一個 check point 係 Bovine, 之前收大會 email 話 cut 左呢個 point 個水站, 咁究竟仲有無 check point 使唔使 scan 號碼布呢 o_O
呢個 point 又係上七百幾, 我都知道辛苦架啦 (攀高同 Grant Col Ferret 相若但無咁斜), 點知都係上唔完嘅感覺, 仲要唔知去到邊先係 point >_<
初時都係一齊行, 漸漸好似出隊咁快腳先行 hea 住等, 而我已經係 keep 住行無抖的了, 感覺又攰又眼訓好辛苦呢 >_< (自己行就應該會不斷小休的 :p)
但睇番個段速其實都 meet 到自己個 plan, 只係停低休息嘅時間預計不到吧! 都還好.....
經過一個火埋, 可能就係咁過左 point 繼續向著 Trient 進發!
大家開始睡意濃, 有的快行 hea 等坐埋一邊訓 :p (我想話佢地快就不如自己行快 d 唔好等咁辛苦啦, 但佢地又好似繼續想咁.....激死!)
都話瑞士d路古古怪怪, 落到石屎路又未到, 又要行去唔知邊度, 突然一個平地一個 shelter 又到 point!
一到站食少少後大家就扒枱訓了! 我就驚起唔到選擇唔訓, 食下嘢 etc......
要大家等又催大家行真係唔好意思了.....
呢次辛苦了要上八百幾去 Catogne @@
嘩, 停左一陣起步就咁凍嘅 >_<
一起步凍就行快d, 之後開始熱熱地於是停埋一邊除衫, 大家繼續行, 唯有加速追!
撞鬼呀, 個個都上得咁快, 我地行快d, 周圍d人又 keep 住跟喎, 照計喺得呢個時區應該都唔係咁既速度架?! 上八百幾應該都仲有排上, 望下錶應該一半都未夠, crazy @@ 佢地走晒得番傑同我, 收慢腳步傑退後我唔知佢喺幾遠, 無啦啦呢 log 人變左我帶頭.....開始迷迷矇矇思覺失調, 不斷飄飄下之餘又(心裡)自問自答究竟我要去邊, 點解係咁上, 邊度先係幾時先到, 點解要咁行?!etc.....
喺咁既情況下停一停比後面的上前! 繼續唔知點解唔知去邊做咩既情況下跟住行.....遠處聽到噹噹聲.....oic....keep 住仲要上上落落一段之後, 原來大家到晒圍住個火埋喺度坐梗! 即是醒晒應該可以開始落山啦掛 ^_^
跟住話去 Vallorcine 應該無咩上係咁落架?! 點解5k幾又好似要行咁耐嘅 o_O
佢地落山又飛落去 (我估佢地應該係想快 d 落去訓 :p)
Zzzz....有時打斜行, 唔敢快唯有跟下人, 不過都幾塞, 行極都唔到, 前前後後應該仲有傑 & Lilian, 好似五金都喺附近!
落到point入站見 inin, 佢同媽媽唔 expected 喺呢度出現的! 終於有番 d 有 support 嘅溫暖, 有人幫忙攞咖啡 ^_^
估唔到仲收到香港空運嘅打氣 sheet ^_^
雖然時間好充裕, 但仲有幾個 point 又可能有 control 唔到嘅塞車 & unexpected.....都係快 d 上路好!
仲未天光停左再起動又寒寒地, 不過大家今次醒神好多了! (可能抖夠又有突如其來的打氣+就天光)講住笑住的在晴朗的一早出發 ^_^
初時 Lilian & 鍾仔喺前面雞啄唔斷一路喺前面行, 之後就等埋大家一齊上!
五金就一馬當先鬆腳係咁去, Lilian keep 住走, 佢地三個唔知仲咩繼續 hea :p
我都唔知點, 驚預得太"忟"到時要跑我又跑唔到, 佢地上面咩情況又唔知, 唯有 keep 住行上去匯合佢地叫佢地走先唔好等, 我就上去抖下食嘢換衫先! (成日都係咁, 上一陣又開始有d肚餓添 :p)好彩唔等埋一齊行先, 呢段路都幾花體力, 不斷要大步檻+跳, 好似行梗石河/芝麻灣咁, 都幾辛苦....但無咁悶 ^_^
行極都唔見佢地又無 point, 之後見好遠山頭有 check point, 回想中間經過一個 tent 但又無話要 scan 喎, 唔通過左 point 無打?!
死火 >_<
急忙問下人都異口同聲話我地係去梗 La Tete aux Vents 唔係 Col des Montets, 咁都好 d, 最怕要返轉頭!
去到 point 都係唔見 Lilian & 五金, 佢地應該走左.....之後應該就係落 La Flegere 最後一個 refreshment point! 咁我換下衫等埋佢地先!
on the way 電話響, 無聽.....之後到鍾仔講電話, 原來五金喺 point 等我地!
我又想食嘢了, 快步行先!原來呢個 point 得 drinks 的, 好彩自己仲有嘢食 ^_^ (不過我都唔係食左好多嘢....)
好攰, 對腳 d 肌肉好痛, 如果落斜跑就更加痛 >_<
佢地好興奮係咁跑, 我&傑繼續 keep 住行, 好彩仲有佢陪我 hea, 佢叫我跑下但我驚會抽筋, 心想落到城都一定要跑架啦, 留下好喎 :p
點知.....最後佢地話想試下衝 42......last 十幾分鐘先講, 連平地都未到, 估計應該仲有 2-3 k, 好人好姐既我都要盡力跑先得啦, 況且依家......
無奈地跑......
轉彎入城回回氣先.....究竟喺邊度返去呢?! where am I?! 見到體育館了, 原來係呢度.....嘩, 都仲有一段喎, 爆啦爆啦, 喘晒氣, 我其實好耐無跑步了......間中要行幾步回氣, 做咩要咁辛苦, 有分別咩?!
佢地知我辛苦邊跑邊等又陪.....last 了, 見到 inin & 媽媽, 仲有 Nora.....我都唔知發生咩事, 應該拖手定攞嘢, 度係終點, 轉左好多個彎停下了.....原來又未係終點.....繼續跑.....oh.....終於衝線啦 ^_^
突然間好似名星咁, 全場拍掌又大合照又有司儀介紹.....
終於做到了! UTMB Finisher ^_^
擾攘一輪, 返去煮d熱食沖涼換衫變返做人先 :p
之後出動去食飯 (日本飯堂, 好彩今次唔使book有得食 :p), 再取回 drop bag 返去大休!
Zzzz......訓到電話響夠鐘出去食飯!
最後一餐慶功宴 farewell dinner ^_^
恭喜大家完成, 恭喜小強跑出好成績, cheers ; )
沒有留言:
發佈留言