由於是World Ranking Event 的關係, 頭兩日賽事大會都有特別安排給有關賽員! 而今天Sprint Event 各賽員就必須乘搭大會專車, 於出發前到大埔海濱公園被隔離! (嘩! miss左就無得玩了)
雖然天文台預測聖誕節的天氣非常寒冷, 但o係暖和既陽光底下, 給人十分舒服的感覺, 嚴陣以待既禦寒衣物亦不派用場呢 :p
無速度又開始老眼分花既我對於Sprint賽事都不予以寄望, 只求輸得無咁核突吧; 但一開始幾條long leg就話比我知我要就住玩, 腳踭有少少痛, 如果唔係聽日牛寮ranking就大件事了! Ctrl 5 有點眼花, 走大圈入point好了, 跑多一點時間就比猶豫浪費的好! Ctrl 6 開始雖要經過人群, 到了完善公園追到了同組的賽員, 且受工地的影響, 錯誤的理解了圖例, 回過神來已失去了不少時間呢! Ctrl 7-8-9-10-11拚命的扳回! 去到 Ctrl 13 才驚覺這裡是event centre! 身體開始跑不動了, btw 最後幾個點是在附近, 應該不用走很多吧! 由於缺氧及眼花, 少o係有速度下fine OL, 睇得好辛苦, 要慢慢來亦都錯多了!
或許是心有靈犀/心瘁不寧既關係, 打完終點我居然反轉張EMIT睇下有無張backup, oh no, gone.....最後, 真的是被certified 了無去 Ctrl 14 :(
唉!!! Black Luck 得真徹底, sense 唔到之餘仲要無埋張 backup, 縱使我習慣續個point去仲要一定對晒code先打, 但講咩都無用.....DISQ!!!! :(.....
希望唔係張咭有事啦, 明天用膠紙貼實張blackup先得 :(
25 Dec 2011 中距離世界排位賽 (牛寮)
上場聯賽唔夠分, 今場一定要醒醒定定, 如果唔係好大機會下年要降班了:( 話雖如此, 但我既心思好似專注於賽後既特備節目 (之前一晚攪左好耐去準備呢 :p)
繼尋日 Black Luck DQ之後, d黑氣都依然陰魂不散, 搭的士都可以拋錨既.....今場仲要限定WRE賽員十點半到event centre報到去隔離, 得番半個鐘有少少發矛呢, 如果無得跑的話, 今年既聯賽就是提早棄權了 :(
好不容易截小巴再轉的士才能安全抵疊, 幸好賽會更延遲15分鐘, 可以慢慢prepare不用心急!
天氣雖然凍, 但有太陽感覺相對暖和, 為免出汗濕衫"up"病, 寧可穿少一點熱身多一點! 是日又是先頭部隊開路先鋒! 一起步有d心急又要避開大會攝影師, 睇漏左個窩, 發現時已浪費了不少時間呢! 之後Ctrl 2懶醒學人contour過去, 嘩, 好斜, 攰死了, 仲要好耐先去到, 一開始已出師不利了 :( 之後一段落山路都不敢太快, 一則以休息鬆番d肌肉, 二則轉vegetation避免錯誤! Ctrl 4 應該直線去, 但唔想濕腳, 都係兜路經崖去好了 :p Ctrl 5 沿河河交打bearing, 停一停check bearing時, 已驚覺有同組幾個賽員修正完, 之後一段開始跑番去牛寮了, 二話不說打point走人! 順利的打埋 Ctrl 7, 一條 long leg 有3個選擇, 最後先決定不走超級大路(雖然我有信心有機會最快最有信心 :p), 沿東面山咀落山, 到空曠地墳墓再諗一諗, 都係走路不入林好了! 一來少閱圖時間, 二來無咁多off road (好跣), 穩陣d好! 過晒d人, Ctrl 9 心急了, 去得唔準, 要 relocate, oh no! 好不容易找到了, 之後好像洩了氣一樣, 無晒力, 望住 Ctrl 10 的山咀, 好想找一個無咁斜既位上, 最後猶猶豫豫都係死番去河位上穩陣d! 依家真係唔知點解, 跑OL完全無力, 但其實跑完之後又唔係話咁攰ja 喎! on the way to Ctrl 10都要停下抖抖, 死唔死 :p 之後去 Ctrl 11, 直線去上坳位再contour過去窩位落低兩條等高線 (睇少左一線添)! 由 Ctrl 9-12, 中間都唔知跣低左幾多次, 上斜就無力, 望住都唔想去, 睇黎如要認真玩一定要針對訓練先得了! 餘下的幾個pt 已疲態畢露, 縱使無咩錯, 但都要慢慢去完成!
換件乾衫食d野, 吹下水, 睇埋成績; pack 好行裝上路去!
由扶輪公園逆走麥徑到M131落黃竹洋再跑番屋企 ~17.5k ~2.5hr 都 ok 喎, 都係耐搭車少少je :p
估唔到落到火炭仲可以咩住d野跑埋石屎路返去 (之前一晚攪左個背囊幾耐 :p 跑完之後磅過大約9磅左右)
26 Dec 2011 慢慢轆單車遊 (荃灣 > 三聖 > 元朗 > 南生圍 > 錦繡 > 上水 > 沙田)
未踩過荃灣青山公路一段唔識路, 又要趕時間, 雖然踩得唔係話好快既 (爆o個隻), 但都一定唔會輕鬆得去邊呢!
終於到了南生圍會合大家, 嘩, 原來都唔少人出席喎, 加加埋埋我地一行成16人, 勁!
蜻蜓點水的到此一遊後, 大伙兒決定到錦繡食飯! 回程的一段路與 Iris 她們一齊踩, 終於可以一嘗郊遊樂既滋味呢 :p
好耐都無試過狂風掃落葉式的食點心了, 我地既食力唔知有無嚇親人呢 kaka!
食飽過後, 兵分兩路, 郊遊團經錦田回元朗, 爆車團就入軍營落上水; 而我自己就青公經上水回沙田返屋企! 去到大埔, 始終走唔出爆車既宿命, 為免危險, 要不斷爆過 d 慢遊吹水左右閃cut團 :p 跑左兩日, 踩左 ~80k tired!
27 Dec 2011 週年中距離野外定向錦標賽 (寶馬山)
又係頭盤定向, 主菜跑山的運動日! 今次有三才&Gerald陪我癲 :p 同佢地跑應該唔可以咁任勝跑跑行行了, 都係鎖左d野先去寶馬山, 之後跑山就可以輕裝上陣了!
今場出發時間比較晏, 又預多左時間上去, 要呆等了! 今日溫度係暖左, 但大風既時間就會好凍呢!
終於等到出發, 一起步選了下路大路去, "賴"野, 好攰添, 死啦! 過左個窩唔見條路, 停一停猶豫左, 跑左一兩步, 唔係喎, 係呢度喎, 有崖上面有支pole, 岩喎! 死就死啦, 上! 上上下條路又唔明左轉左, 但無咁快過窩的, 從新搵路繼續上, 終於到坳支pole, follow route去另一個坳, get it! Ctrl 2 挨住個山去, d 草好長, 攰攰地行算了, 唔夠專注過左少少 :p Ctrl 3 唔敢入綠色cut出路, 局住上落山爬山仔去! 去 Ctrl 4 追到幾個賽員, 佢地好似搵左一陣, 唔好理, 自己睇清楚d, 個墳比兩條路夾住, yup! 快速出point衝落山唔好lead人跑, 到水道陣停一停回一回神先! 此時後一個出的賽員已追到我了, anyway 跑自己! 佢繼續跑上斜, 我就決定轉右挨山邊跑再cut左上山找 Ctrl 5, 打完出路見數個賽員好像還在找尋中, 快快走人好了 :p
呢度比較亂, 不過好多野我都唔使理, simplify找路 cut 番去對面條山脊 pole附近小路入 Ctrl 6, 為免錯都係睇真d腳才行! 點解咁既態度唔可以 keep 住, 打完 Ctrl 7 就腳太快, 心急水站唔飲水, 仲要好心提人未打前point分心, 選了一條好白痴既 route choice, 發現時已落山, 唯有死死氣用體力搭夠, 爬多幾條等高線去番 Ctrl 8 :(
之後 Ctrl 9 d 路亂少少驚落錯咀, 要check & check, 去 Ctrl 10 o係岩面地要小心d搵路落山, 之後又誤當條指北線係路驚有分差路唔敢落山太快, 又一低b! 打完 Ctrl 10, 向左走定向右走好呢?! 最後決定選右走, 到最後一個大路彎停一停睇清楚, 最後決定都係唔由咀上, 由窩隔離條小路爬上山 (其實條路好似gully咁)上頂打埋 Ctrl 11 之後, 嘩, 落坳山窩落大路(要穿竹林既!) 縱使知道無可以追番被人追到的1分鐘, 還是超級路跑的跑回終點!
終於跑番一場比較 smooth 既定向, 不過好攰無力跑呢 :p
Here's my route: http://3drerun.worldofo.com/?id=-36851
(睇番先發覺好多route都唔好, 有d更好既選擇的)
休息 hea 後, 又上路! 但一開始已好攰了, 兩隻魔鬼講多兩講, 軟弱了, 都係改路, d 上山位cut 晒 :p (如果自己跑我諗我會照去行下跑下, 後先睇下cut 幾多)
最後: 寶馬山 > 柏架山道 > 大風坳 > 野豬徑 > 淺水灣坳 > 黃泥涌 > 畢拿山道 > 樂活道 > Times Sq ~20.5k
