HK100_2012 (18-19 Feb 2012)

Route: 北潭涌> 上窰郊遊徑> 西灣山> 西灣> 咸田> 大灣> 赤徑> 土瓜坪> 黃石> 大灘郊遊徑> 灣仔> 海下> 白沙澳> 深涌> 雷打石坳> 雞公山> 水浪窩> 沿麥徑到荃錦坳
Distance: 100k
Time used: 14hr39m35



Split time:
> 上窰郊遊徑(麥徑) - 41'02''80
> 東壩尾 - 38'55''17 (1hr19'58'')
> 西灣山 - 35'43''06 (1hr55'41'')
> 西灣 - 23'25''85 (2hr19'07'')
> 咸田 - 16'59''62 (2hr36'07)
> 黃石 - 1hr03'24''91 (3hr39'32'')
> 攔路坳 - 51'45''73 (4hr31'17'')
> 海下 - 10'54''36 (4hr42'12'')
> 深涌 - 1hr08'28''84 (5hr50'40'')
> 雷打石坳 - 20'44''68 (6hr11'25'')
> 雞公腳 - 11'49''18 (6hr23'14'')
> 雞公山 - 18'19''59 (6hr41'34'')
> 水浪窩 - 16'18''21 (6hr57'52'')
> transition - 5'57''36 (7hr03'49'')
> 馬鞍 - 58'05''58 (8hr01'55'')
> 廘巢坳 - 13'56''38 (8hr15'31'')
> 打瀉油坳 - 37'02''45 (8hr52'34'')
> 基維爾營 - 25'01''20 (9hr17'35'')
> 沙田坳 - 31'12''23 (9hr48'47)
> 畢架山 - 47'47''85 (10hr36'35)
> rest (電筒) - 3'22''21 (10hr39'57'')
> 大埔道 - 23'38''46 (11hr03'36'')
> 城門 - 37'43''48 (11hr41'19'')
> 城門壩 - 4'10''84 (11hr45'30'')
> 針山腳 - 2'56'93 (11hr48'27'')
> 針山頂 - 30'21''31 (12hr18'48'')
> 針山底 - 6'06''53 (12hr24'55'')
> 鉛礦坳 - 42'37''33 (13hr07'32'')
> 大帽波波 - 1hr08'12''71 (14hr15'45'')
> 荃錦坳 - 23'50''52 (14hr39'35'')

賽前無時間重點練習, 只能操四課 (頭半w/毅行隊友, 後半w/inin,俊及鍾仔, 頭半w/mp3&自己, 夜操小雙坳w/mike&細), tune 到自己合識既pacing及查找不足, 洽到好處! 頭半不可keep住跑, 跑下行下慢慢上力比較好, 上樓梯夜山比毅行時退步了, 兩轉KOTH_LTM+自隊上落特訓短時間提升不少; 唯擔心未夠k長距離後未知如何; 故賽前只能有信心sub17, 而估計最理想都只係15半左右, 其他的.....順著自己感覺順其自然吧! 無特別的精心打造是次比賽, 故沒有太大期望, 而作為一個長途個人賽, 可作為出外玩ultra比賽的試金石, 既可習慣一個人沒有額外支援只靠大會support, 又可嘗試比賽策略熟習裝備etc.
(有朋友說我對自己太harsh了不用support, 但我覺得自己地頭咁熟識而大會support又夠已經好好了)

出發了, 沒有跟大伙兒為伍, 試著習慣自己獨個兒上路, 聽著mp3順著自己感覺走! o係上窰郊遊徑時, 有同組賽員說 "sophia, don't walk, keep running!" 唉, 我唔岩推住自己跑的, 而其實已經比我預期快左, 前脛骨位都有酸痛既感覺呢; 一路keep住個pacing盡走挨到東壩尾開始上山會好一點的了!
原本打算壩尾去埋toilet先上山, 但太多helper太熱情了, 上左山.....唯有去到浪茄先:p 往西灣途中終於遇番一些相熟既面孔了! 望一望錶, 應該快了十多分鐘, 到咸田已是平時o係西灣的時間了, 我都知自己快左, 但見到南哥, 唔通我真係太.....太快了?! (原來南哥拗柴, 最後仲keep到15幾返終點, 令人敬佩!) 繼續順著感覺走, 跑下行下, 好不容易到黃石, 應該快左20分鐘左右, 之後大灘郊遊徑要smooth一點去relax下先得, 如果唔係之後要"還債"呢! 可能快左要多了體能, 好肚餓, 囉個飽上斜慢慢食!
途中見到不少外來的跑手, 見到佢地要花時間睇路及唔知路況既情形下有貨就跑唔識留, 實有一點同理/情心, 想像我去玩UTMF都可能會是同一天空吧! (打從心底敬佩, 要順利合時完成賽事實在不易呢!)

好矛盾! 知道時間上快左, 但又要繼續順著走, 真的擔心後半程點死呢! 但諗深一層, 快左可能係因為天氣好, 比平時負重少左(雖然大會指定裝備都有一定重量, 但之前凍練習都起碼咩住7-8磅吧), 聽著mp3順著自己既感覺行行走走etc. 當然落左場比賽又見到其他跑手, 有一定程度上的興奮呢!
去到水浪窩大約7hr, 照計數 3-2-3 就是8hr, 再加少少飲飲食食, 如無意外應該可以16hr內; 但之後既賽程才是真正既考驗! (未試過咁長k, 頭段又快左, 最怕爆左就大件事了!)
之前pack左對spare鞋, 及膝OL褲及一袋野o係drop bag, 但天氣實在太好了, 狀態還可以又不想浪費時間替換衣物(咁早換又會熱wo); 最後決定只取薄fleece, 風褸, 厚手襪, 頭巾, salompas 及雲南白葯, 需要時才用, 但最終咩足全程, 只係過左針山先著風褸! 可能怪住著衫保暖既問題, 過左馬路開始上樓梯才驚覺唔記得囉支手電筒(背囊只有支e-lite & 兩粒LED), 匆忙的回去取回再上路!

上馬鞍好像有一點力不從心, 死火, 心中盤算如果要9hr, 取金獎好像有點兒危危乎! 半程追到細哥之後都一齊上路, 心知他實力不至於此, 如果我有咩冬瓜豆腐, 我知他一定不會置我於不理的, 一來不想拖累他, 二來我想自己去試煉呢個挑戰; 叫他先行一步又唔肯, 攪到佢退到我老遠唔迫我; 咁我唯有唔理佢啦, 繼續用番自己pacing去, 最多去到針草先迫佢走!
昂平到茅平都不太敢跑, 只少jog, 黃牛水牛一帶既感覺好似上極都未上完咁, oh no! 到了萬里長城, 正呀, 感覺有點回來了, 相比途中見到的其他賽員, 已是很好的了, keep on! 到了沙田坳, 終於可以放下心頭大石了, 之前擔心的一掃而空, 16hr 應該無問題了, 同時間個人又開始貪心了......如果順利的, 唔知可唔可以穿15hr! (有前輩有大師傅講過15呢個關口是另一個層次)
感覺好親切, timing 上同上星期操夜山一樣, 去到畢架先開燈 (諗都無諗過HK100可以做到); 如果可以好似o個次操既時間咁就更加perfect! 但由於長k數又超負荷的作賽, 落畢架時有一點硬軚添, 落到橫腰路, 頭幾步更覺自己"右傾", 大件事.....即時再收慢一點!
終於出生天, 到大埔道有人打氣有點興奮, 好彩還清醒, 上天橋斜路唔好跑!!! 我知道只要唔好急, 以自己既操練往績, 推/行只係差好少時間的, 只要唔好爆就是了! 估唔到金山道上到城門一帶, 可以撞番不少相熟面孔, 這一切對我而言都"一定"是一支強心針, 無論最終比賽結果如何, 相信我已經夠晒"爭氣"了! (連我自己亦估不到呢!)
身體已十分疲累, 雙腳有點不靈活, 一少步微調都有想抽的感覺, 故不可掉以輕心! 針山一步一步慢慢上, 突然間成班人一齊行, 好似約埋操山咁 kaka! 草山一段放鬆的慢慢keep住上不用急, 挨過了, 落鉛礦坳以為係鬆腳, 點知大霧無神又硬軚, 醉拳開始上身!

終於到了比賽尾聲, helper問要唔要食野抖下etc., 二話不說, 仲有10k, 知道自己應該唔點跑到, 盡趕時間, fill d 水囉件卷蛋就上路! 又開始成龍醉拳上身, 上山腳步浮浮又不斷照路, 以為過晒亂石陣就有出頭天! 點知......大帽山上好迷茫, 平時操練帶頭都要人提點下(今年開始快左個人開始就應付唔到認路了), 依家一個人又體能drop晒, 不斷出動電筒好似探射燈咁係咁照搵路, 有一點frustrate, o係亂石山頭好迷, 平時平contour過的路行唔到, 要大級大級檻上山, 有一級太大仲抽一抽, 好彩無野! 此時細哥又殺到過了頭, 簡直好似明燈一樣, 到了四方亭可以鬆一口氣了!
不慌不忙的慢慢上大帽波波, 望一望手錶, 仲有~45mins, 應該無問題了! 話雖如此, 以我一貫"認真"性格, 去盡吧! 最終以 unexpected, unbelievable既時間完成, 14hr39m, 女子組第七名衝線!
賽後:
- 做出好時間實在是太令人興奮雀躍了!
- feel sorry for 毅行, 我知大家係得既, 但我當時太不爭氣了!
- 對黎緊既160k ultra 有番少少信心, 要繼續努力, fine-tune 體能/技巧/裝備/策略!
- 要學習輕鬆地認真的去enjoy比賽!
- 都係o個句, 今年重點 UTMF到5月, 未有其他計劃 (未去過神山, 有d想去), HK100實是一個好好的訓練!

KOTH Series 11-12_LTM (12 Feb 2012)

Route: 南山> 雙東坳> 蓮花> 薄刀刃> 黃龍坑入口> 散頭> 彌勒> 昂坪> 鳳凰山> 伯公坳> 南大嶼郊遊徑> 南山

Distance: 30.6k

Time used: 4hr54m55

Place: 33rd

FO Rank: 5th

Splits:

> 雙東坳 - 37:27.1

> 黃龍坑入口 - 51:40.5

> 鳳凰觀日牌 - 1:37:12.5

> 鳳凰頂 - 33:15.4

> 伯公坳 - 23:32.6

> 南山 - 51:47.9 (4:54:55)

一開始唔敢推得太快, 四頭肌有點緊, keep 住個 pacing 一步一步上山, 又不敢過頭, 一直都 keep 住同前面的一個賽員好近, 間中一兩次無辦法先過頭! (need more energy)

好不容易到了雙東坳, 大霧對眼鏡朦晒, 青苔泥路有點跣.....都不是問題, 跑起來有點力不從心, hamstring 有點累; 此一段trail 明明是我最愛跑的路況, 咁既情況下, 唯有跟住前面慢慢黎! 此刻, 打從心底知道自己今日既狀態, 不宜逞強, 完成儲場數便足夠了, otherwise 會over-exhausted, 甚至抽/傷, 影響之後既比賽/訓練!

落薄刀刃, 好明顯我前前後後的人都收晒腳, 心知不可以繼續咁去跟車了, 而大家又好禮讓咁比我過, 唯有去馬啦! 但落一段接近垂直的碎斜坡令得我的四頭肌十分崩緊, 一定要舒緩番先得了, 幸好終於到了石林一帶, 無咁斜但要不斷 change motion, 頗為吃力! 而奇怪的是我過了一"朕"人之後都無咩見到人?!

好不容易才落到了黃龍澗口, 雖然剛才決定了"保本"完成, 但神奇地 jog鬆對腳時都ok喎, 咁無理由唔 keep住架ma, 知道自己條底線, 辛苦有問題就轉mode為"行"好了! on-and-off 咁 jog 到散頭, 又要開始上山! 經過上次 pre-trip, 路況不是太恐怖吧, keep 住 steady pacing 慢慢上就是了! 初段都得零星一兩個人, 直到岩石陣時, 出現人龍了, 一路上一路食少少野補充, 除了小腿肌有一點tired 之外, 心情與生理上都倘算輕鬆! 

又攪掂了, 只欠鳳凰而已! 經過市集, 有點累, 跑跑行行好了; 上完之後就可以開turbo 落& 如果keep 到 jog返去就更加好! (抖抖去下 toilet 先上山 :p) 

叫自己不用急慢慢上就是了, 但咁奇怪既, 我快左咩?! 點解過左 d 人之後, 望番後面無晒影既?! 落山時又無人?! 明明聽到昂坪時工作人員話比另一位賽員聽佢排四十幾; 我諗到伯公坳時, 大大話話我都應該過左十多人了, 前無目標後又無追兵, 呢三數十人既鴻溝真的十分大, 要怎樣&何時才可追近呢?!

Superised! 到伯公坳時大約4小時多, 望一望隻GPS睇下有無走短左.....又無問題喎 XD 如無意外, 今場應該可以5小時內完成掛! (根據試路及人地往績, 賽前預計5個半鐘完成)

呢段路頗長, 跑極都唔完! 知道無得追不如留力, 但又想盡做, 跑跑行行, 原本諗住睇下可唔可以早一點返去, 點知越跑越唔對路, 容咩易5個鐘都唔得 :p 臨尾k幾少少辛苦都頂埋佢, 最後完成時間 4hr54min55, 組別排名第5, 但時間上應該是最好的一場! (上兩場overall 排名50左右, 組別排名是第三; 今次overall排33, 組別排名卻是第五, 即是.....)

儲夠三場可以計全年成績, 下場不戰了, 一來要去跑定向囉分留級, 二來特別的日子不想一個人悶悶的去跑山!  

Night Trail: 沙田坳至荃錦坳 (8 Feb 2012)

Route: 沙田坳> 畢架山> 大埔道> 走私坳> 城門> 針山> 草山> 鉛礦坳> 大帽山> 荃錦坳

Distance: ~28k

Time used: 4hr39m21

Splits:

> 畢架山 - 48'00'48

> 大埔道 - 25'05''70 (1h13'06''18)

> 城門 - 39'04''01 (1hr52'10''19)

> 針山腳 - 5'04''04 (1hr57'14''23)

> 針山頂 - 29'11''72 (2hr26'25''95)

> 針山底 - 5'41''25 (2hr32'07''20)
> 鉛礦坳 - 39'35''12 (3hr11'42''32)
> rest - 2'49''69 (3hr14'32''01)

> 大帽山波波 - 1hr01'14''61 (4hr15'46''62)

> 荃錦坳 - 23'34''50 (4hr39'21''12)



星期一忽發奇想醒起.....好似毅行o個時咁, 係可以操夜山的, 放工換衫咩埋野, 路程時間岩岩好 ; ) 況且毅行到依家好似無操過夜山了, 下星期要玩HK100, 可以操k操路之餘仲可以適應下夜晚既情況!
估唔到我呢個諗法有人肯陪我傻 XD 最大件事係之前一日落雨及開始降溫, 死得!
放工速速換衫, 準備充足pack好晒野(呢d天氣帶多好多衫, 做足防水措施), 會合傻人二三號出發!
負重, 凍, 之前大家又跑完馬仔, 盡力而為!
可能因為太耐無操夜山, 個人感覺好生硬, 落腳比平時重; 更麻煩的是我發覺自己反應差, 好多時睇路睇得好辛苦, "斬"下眼又睇唔到路, 唔夠集中; 有d比較崎嶇既路仲打晒醉拳, 幾次差d行錯路去左d唔應該去既地方, 臨尾收唔住腳踩中兩個水氹 :(
是日操練相對毅行時明顯退步了, 要努力一點先得了! (段速慢了, 集中力及反應差左, 腳感技巧退步左, 太斜唔夠馬力要拖波.....)
幸好試一試, 知道自己有咩問題, 如果唔係下星期仲要行完頭半得番半條命先玩夜山時, 情況不敢想像呢! (下星期改唔到之後都有得著)
anyway 天氣比想像的好, 只有部份地段有強力陣風, 氣溫尚可以, 落番市區先有雨; 仲可以食飽飽之後唔使搭通宵車有車返屋企 ; )

自隊雙連操 (4-5 Feb 2012)

HK100 Training 3 (4 Feb 2012)

Route: 北潭涌> 上窰郊遊徑> 西灣山> 西灣> 咸田> 大灣> 赤徑> 土瓜坪> 黃石> 大灘郊遊徑> 灣仔> 海下> 白沙澳> 深涌> 雷打石坳> 雞公山> 水浪窩

Time used: 7hr29m47



Split time:
> 上窰郊遊徑(麥徑) - 48'07''43
> 東壩尾 - 44'38''23 (1hr32'45'')
> 西灣山 - 37'51''89 (2hr10'37'')
> 西灣 - 27'34''34 (2hr38'11'')
> 黃石 - 1hr26'06''54 (4hr04'18'')
> 攔路坳 - 53'18''00 (4hr57'36'')
> 海下 - 11'31''04 (5hr09'07'')
> 深涌 - 1hr11'53''93 (6hr21'01'')
> 雷打石坳 - 21'12''12 (6hr42'13'')
> 雞公腳 - 12'15''13 (6hr54'28'')
> 雞公山 - 18'32''92 (7hr13'01'')
> 水浪窩 - 16'46''51 (7hr29'47'')

今年個個都問我點解唔報馬拉松, 甚至連屋企人都問埋一份! 說實在時間有限而我又真係唔太鍾意跑步, 跑只是為了操練體能而已! 然而, 如果報了馬拉松又不去專注的路的話(起碼幾課長課30k+), 一來跑路那重複機械性動作不知可否吃得消, 二來如硬要跑畢全程又怕會有動損性傷害影響之後既山賽; 到時候為了減低/避免傷害要"行"去完成就無謂了, 又要比錢又要早起, 去行百萬行又要沿途比人指指點點, 為咩呢?! :p 況且, 我唔想為左跑一隻馬而打亂晒操山既訓練(又要之前收操又要花時間操路操得黎又操唔到山on&off咁加減量又儲唔到長課), 唔跑呢隻馬既同時, 我就可以無間斷咁去操山了!
四周圍既人全城跑馬仔, 攪到我變左獨孤村.....
原來我係未試過一個人操長課的, 最多只係跑兩個幾鐘街or個零鐘山, 一早起身, 未出發已經比那孤獨感戰勝了.....唔想未天光就出門口, 好可憐, 訓多陣先!
唔知係咪個個都要跑馬拉松, 無人......加上天陰毛毛細雨又寒風, 更覺蕭條孤寂.....響起歸家的訊號, 返去眠眠暖暖身好過! 完全提不起勁, 一來無動力, 二來今日想順感覺跑下行下, 唔想迫自己跑; 去到東壩比上次慢差不多10分鐘!
無奈的走著, 叫自己起碼去到黃石先走人, 否則這星期無長課, 更浪費了唔跑馬仔的苦心!
幸好帶備了mp3, 黃石後便派上用場了! (點解一開始咁悶唔用, 我都唔知點解.....:p)
好不容易, 挨到了攔路坳.....好快到海下了.....咁不如去埋深涌睇下點.....橫掂一日都係無架啦, 去埋啦! 原本有諗過上一上馬鞍返屋企.....一開始都想走人唔跑+腳踭腳板又有d痛.....見好收, 衝埋呢段做個靚時間算了! 最後, 剛剛熟7.5hr完成!
毅行後未過50k, 計埋折扣, 16字頭應該無問題掛!

渣甸小馬來回走 (5 Feb 2012)

Route: 鰂魚涌> 柏架山道 >大風坳 >畢拿山 >渣甸山 >陽明山莊 >渣甸山 >小馬山 >金督馳馬徑 >小馬山 >畢拿山 >大風坳 >康柏郊遊徑 >鰂魚涌 
Distance: 16.04k
Time used: 2hr41m28









尋日操左長課, 下午要meet跑完馬仔既friends大擦一餐, 時間少少, 原本想去孖崗行樓梯, 但太Zzzzz 了! 見之後又要大吃大喝, 又唔想食埋言, 頂硬上起身出門口!
晏起加上改路轉搭鐵路, 到鰂魚涌起到步都九點左右了, 得兩個半鐘左右, 孖崗來回唔夠時間, 都係想行下樓梯"郁"下je.....加上體力, 時間, 心情.....最後圍住一個山頭密集式上落, 尾走trail落鰂魚涌收工!
本以為今日都消左不少卡路里可以大擦一餐, 原來今日都係獲利回吐 :p
anyway, 無跑馬仔但一齊食番餐, 都感受不少馬拉松嘉年華既氣氛; 更高興的是朋友有好成績, 又有獎!
唔知我落場又會跑成點呢, 心思思.....不過都係專心d好了 :p

開年連操儲k遊 (28-29 Jan 2012)

HK100 Training 2 (28 Jan 2012)

Route: 水浪窩 > 馬鞍 > 基維爾 > 沙田坳 > 畢架 > 大埔道 > 城門 > 針山 > 草山 > 鉛礦坳 > 大帽山 > 荃錦坳
Distance: 43.98k
Time used: 9hr13'27''
w/inin, chun, chung, gordon & sai


Split:
> 馬鞍坳 - 1hr 00'09''20
> 鹿巢坳 - 13'38''65 (1hr13'47''85)
> 打瀉油坳 - 1hr00'28''68 (2hr14'16''53) waiting @茅坪
> 基維爾 - 24'17''50 (2hr38'34''03)
> 沙田坳 - 40'36''19 (3hr19'10''22) waiting @荗草岩
> rest - 16'40''89 (3hr35'51''11)
> 回歸亭 - 24'58''15 (4hr0'49''26)
> wait - 8'29''43 (4hr09'18''69)
> 畢架山 - 16'57''11 (4hr26'15''80)
> 大埔道 - 34'59''83 (5hr01'15''63) waiting @畢架山
> 城門 - 44'53''70 (5hr46'09''33)
> rest + 針山腳 - 14'12''91 (6hr0'22''24)
> 針山 - 28'42''36 (6hr29'04''60)
> 針山底 - 5'49''06 (6hr34'53''66)
> 草山 - 37'01''24 (7hr11'54''90)
> 鉛礦坳 - 26'42''95 (7hr38'37''85) waiting @草山
> 四方亭 - 44'45''82 (8hr23'23''67)
> 大帽波波 - 21'20''10 (8hr44'43''77)
> 荃錦坳 - 28'44''19 (9hr13'27''96)

自毅行之後都無行過麥徑4-8了, 其間只有短途山賽, 好耐無操樓梯級了! 是日重遊舊地, 縱使段速落差不遠, 但卻辛苦很多, 好明顯退步了很多! 幸好賽前操一轉, 唔操唔知咁唔掂, 總有個心理準備呢!
不敢想像比賽仲要行埋之前頭50, 到時都唔知......
幸好目標不在取什麼成績 (應該都pb到掛), 唔使咁大心理負擔; 可以 fine tune 下d裝備, 好好準備自己5月的比賽!

KOTH_LTM Pretrip (29 Jan 2012)


Route: 東涌消防局 > 散頭 > 彌勒坳 > 昂坪 > 鳳凰山 > 伯公坳 > 南大嶼郊遊徑 > 南山 > 雙東坳 > 三山台 > 薄刀屻 > 東涌
Distance: 31.7k
Time used: 6hr06m34



Split:
> 昂坪 - 2hr08'53''
> 鳳凰山 - 27'24''
> 伯公坳 - 28'25''
> 南大嶼郊遊徑路口 - 58'14''
> 南山 > 南大嶼郊遊徑路口 - 5'55''
> 雙東坳 - 46'30''
> 黃龍坑入口 - 1hr09'36''
> 東涌 - 26'34''

初三唔成行, 有隊出, 跟! 是日連戰, 目標試路, 負荷不了便走人!
今日既天氣同尋日真的是兩回事, 一時大霧迷離, 寒風刺骨; 一時天清氣爽, 汗珠淋漓; 上一次山可以經歷晒兩種不同天氣, 一個山既一邊同另一面各自精彩; 真的是一次奇幻之旅!
一開步行左少少之後, 大部份人已急不及待大步走了, oh no, 唔跟唔識上彌勒, 唯有頂硬上, 好彩有走得動呢! 終於到了入山口, 幸好跟隊試路, 否則要囉住地圖找一輪先上到山了! 好耐無呢種探路感覺了, 再加上大霧能見度低, 好有feel呢; 而路況比想像中的好, 慢慢移不用大步上, 感覺良好!
過了茶園到了鳳凰觀日牌, 變天了, d 霧無晒, 大級大級上, 辛苦呢! 到了山頂又變回另一個世界了, 大霧要不斷開動人工至能既手指水潑, 況且路遙遙又連操, 放慢腳步落山好了!
十個救火的笑年+後無追兵, 伯公坳開始得番3個人, 多謝師兄等埋, 但原意試路慢遊, 但位置尷尬又唔知點等, 唯有無奈地要keep住盡跟 :p
終於到左最後一段上雙東坳落薄刀刃了, 而比賽當日呢段就係頭段, 應該會無依家咁辛苦掛 kaka! 上到雙東坳又變得好大霧了, 太耐無行過了, 上次行經呢度已經係幾年前既三級路試了, 幸好大家不容走散慢慢移, 否則都唔知自己去左邊度 >_<
找了又找, 終於搵到路去薄刀刃了, oh no, 原來仲要上, 雖然只係上少少, 但我已經無咩貨了 :p
落山路都ok既, 我覺得中段既林路亂石比畢直既落山路還難行呢, 而且花了不少時間才重回石屎平地; 我想比賽當日呢段路應該都會頗為塞車呢!
最後以6小時多完成旅程! 連操兩日, 量多質一段, 所以都仲頂得到, 還可以 ^_^