Salomon龍門郊遊徑 (24 Jun 2012)

Time trial 後最好hea下鬆腳, 之前有諗過跑去啦, 完左之後餘興啦.....最後都係太攰了, 打消念頭啦; 況且停操左幾個星期重左幾磅, 剛剛復操幾星期, 不宜過急.....好好的偷懶 excuse XD
好多朋友仔出席, 除左跑山的一班之外, 仲有CORES跑友, angel & 駱仔etc. 好熱鬧呢 ^_^
千祈唔好睇少o個10多k路程, 況且尋日先time trial 完雙坳, super tired =_=
平時跑斜路已經唔多掂, 依家仲要咁死, kaka, 行多過跑添, 失禮 :p
全程o係隊尾吞pop XD
仲要無咩output又係咁input, 死未?! >_<

雙坳 time trial (23 Jun 2012)

Route: 北潭坳> 水浪窩> 沙田坳> 城門> 針草> 鉛礦坳> 大帽山> 荃錦坳
Distance: 54k

Time used: 9hr01m23

Split:

> 水浪窩 - 1:38:30 (rest 3min30)

> 沙田坳 - 2:44:30 (rest 8min30)

> 大埔道 - 1:05:30

> 城門 - 0:36:30 (rest 2min30)

> 荃錦坳 - 2:42:53

上年都好似無試過一次雙坳, 端午節就黎d咁既野, 係咪傻架?! XD

事源係xx因操UTMB發起的, 點知了起晒大家之後又改翌日, 於是咪自己照操試下time trial囉 ^_^

有人落"pak"話八個半, 而自己最快都好似要成十個,一定做唔到, 我估目標set 九至九半比較合理; 撞岩KFC大隊又會o係水浪窩起步, 知道前有大軍後有追兵成條路都係人會比較安全, 於是晨早無約人情況下自行出發了!

原定八點鐘出發, 順利搭到299入到西貢搭到頭班94, 於是去埋toilet拉一陣筋就起步了 ~七點半.....crazy!

同班車有Sam, 魔教等人, 佢地一落車就起步, 全程都見佢地唔到.....快到無朋友! 唉, 又話狂風暴雨, 全程間中雨粉, 好濕好跣, 不過有風; 一個人悶到死, 前又唔見到人比我追, 後又無人迫, 早知無大雨就帶埋mp3上路啦.....=_=

雖然唔係飲左好多水, 背囊後面1L水未飲過, 但去到水位都飲罐凍野差滿兩個樽先上路:p (中段個背囊濕晒先知原來咁鬼重 =_=)

近排多雨水, 好多水位既水都好大, 掂! (including 昂平)

去到茅平終於都見到d熟人了! thanks Ivy 順手support埋水, 飲多兩啖先 :p 但佢話未見過KFC, 而 Sam 魔教佢地係我前五分鐘左右, 但係我一路遠遠都唔見囉.....o_O

終於到沙田坳見番佢地了, 時間同自己預計最快既時間差不多, 但其實我感覺自己都快左架喎.....咁講法即是快唔到.....之後仲頂唔頂到呢 o_O
補水去toilet後一齊起步, Sam又快到無朋友, 一下子又不見了 o_O 好彩有魔教及Jacky拍跳一段 ^_^ (全日唯一有人一齊既路段.....)

上樓梯好明顯唔夠力, 見Jacky步步有力, 自己o係後面就打醉拳.....頂住呀! 如果唔係Jacky拍住逼住走, 我相信我一定會係咁行下跑下唔會跑咁多的, 好彩, 之後針草帽上斜位都無咩得跑, 死就死啦, 頂埋佢 ; )

出大埔道去金山道底, 平時都會死下死下跑埋佢, 依家無人迫就行下抖抖先 :p

過左走私坳見到paper, 加油呀!

行住食d野先, 落到去要飲可樂 hehe ^_^ (今日飲左三罐咁多添 :p)

終於見番Sam, 超強hea等好耐了!

好, 只淨針草帽了, 心想最worse都是3個半, ok喎, 收貨了, 放輕鬆繼續上路, 順著感覺走唔好推!

辛苦上到針山好好風, 遠遠都唔見人影.....唯有繼續獨自上路!

last一個山了, 無睇錶心想點都應該有九個鐘十幾左右, ok收貨了, 頂埋佢順住走!

上到亂石堆好似有d風雲色變, 就上到了, 頂住呀! 過左標距柱勁大風又有霧, 咁辛苦, 算了, 何不好好享受下吹吹風, 超爽!

越黎越唔對路, 風越來越大, 將人吹埋一邊, 跑不得.....都好, 乘機偷懶可以行唔使跑 :p

不久仲開始有雨, 加埋強風, 好似萬箭穿心咁, 打落塊面勁痛 >_<

情況惡劣要快步走佬, 咩水tum泥tum都唔理了XD

到了每次都覺得好斜既石屎路了, 慢慢頂埋佢就有好日子過了!

到了到了, 到波波了, 仲見到KFC d朋友仔 ^_^

廿分鐘可穿九, 不過我仲要腳唔好攪我, keep住steady pacing 好了 :p

Done, PB完成, 比上次差不多快了一個鐘!
又可以見到一大班KFC朋友仔, 熱鬧呢 ; )

p.s.

1. 要減磅

2. 上樓梯唔夠power

3. 跑斜路能力

4. 腳感要回復/提升

5. 腳患隱憂...  

大魚西遊記 (17 Jun 2012)

Route: 愉景灣> 老虎頭> 望渡坳> 白芒> 婆髻> 雙東坳> 爛頭營> 伯公坳> 鳳凰> 昂坪> 觀音山> 羌山> 龍仔吾園> 大澳> 深屈> 散頭> 東涌遊樂場協會
Distance: 45k
Elapsed time: 8hr58m32
Moving time: 7hr29m17



定向朋友群仔&Iris自計劃參加今年毅行者後已不斷操練, 見她們如此落力, 不得不讚好, 並行動支持去打打氣, 熱鬧一番 ^_^ (今次仲有好多朋友仔, 亞Dee/Gerald etc. 一齊玩呢!)
自UTMF後缺操發胖, 欲踩多一點樓梯望快一點上力, 故提早於愉景灣出發, 圖於爛頭營左右與黃龍郊遊徑分隊相遇; 諗番都覺得自己有點大食, 不自量力, 自討苦吃呢 :p

舊地重遊, 好明顯感覺到狀態大不如前, 幸好微雨送風, 才沒有那麼辛苦! 草密濕滑, 故試劍石後取道望渡坳落白芒, 可跑程度較高(i.e. 辛苦)但路程應長一點, 估計需時不分上下!

腳程頗算順利, 點知.....

上婆髻有點兒力有不遞, 比較吃力, 感覺上極都上唔完 o_O

另一方面心中盤算大隊行進時間, 既急且累; 至蓮花山下一段環腰崎嶇路, 在大霧四眼及左右腳掌俱不寧既情況下.....頗狼狽並沒精打采呢 :(
唯欲放棄追隊時於下撤伯公坳時遇上了, 萬幸!
小休加水後開始上路, 朋友及各友好比想像中勤快, 哎呀, 上了賊船添 XD
隊中數人強而有力, 可恨自己只能拼命的遙望緊隨, 至頂時雙腿的四頭肌還開始向我投訴呢 :(
遂於落山時放慢腳步祈舒緩那burn緊的四頭肌! 齊人後於觀日牌又開始跑了.....oh no, 濕了的腳掌亦開始投訴了! 但另一邊廂, 眾人落力的操練與士氣的高昂; 令我不得不加把勁奉陪到底 ^_^

昂坪大休後續上路, 一聲令下, 大家又開始.....跑了 :p
途中見大牛停於路邊望向樹叢, 原來出世不久的小牛誤進了水渠上不來了, 眾人見狀就幫忙抱小牛回地面令它們一家團聚 ^_^

最後一擊攻頂, 印象中每次行經觀音山與羌山都是山藝三級班第二日的full pack行程 (seems long time ago...); 負重夜行都難不了我, 雖然狀態不佳已十分疲累, 但我要話比自己知好快就上晒架啦 XD

yeah, 終於上晒要上的山了, 但餘下還要跑回東涌呢! yes, 係我最怕既不斷跑, 仲要係石屎路, 又要無晒力.....o_O
到深屈時都還可以, 但到散頭一段好像跑極都跑不完呢, 暗暗的偷懶了 :p
真佩服群仔&Winnie, 全程keep住係咁跑, 勁 ; )
有機會要再一齊玩 ^_^


狀態大不如前, 不自量力, 要加把勁努力了!
賤肉橫生, 每次操練都內外俱傷, 要忍口了.....!

九龍坑八仙嶺大美督來回 (10 Jun 2012)

Route: 太和 < > 九龍坑 < > Hok Tau < > 八仙嶺 < > 大美督
Distance: ~34k




約左七點半太和話要準時八點出發, 自己都快唔起, 又要食晒個全餐, 都唔敢遲到 Zzzz.....
等齊人出發, 八人成行頗為熱鬧呢! 而且當中一人昨夜才落機回港, 兩人已操通宵再加入, 勁!
一開始出發天陰, 不久隨即降雨, 上九龍坑山變得沒有那麼吃力, 萬幸 ^_^
(個膝頭有少少唔妥, 但今次係上山感覺到既o_O?!)
到頂後大家慢慢開始jog, 不快不慢順著走, 都ok應付到的 :D 最開心大家落到 Hok Tau 石屎路無跑 kaka :p





最辛苦的路程(上屏風山)開始了, 好彩微雨有風 ; )
大家既距離開始拉開了, 諗住會到頂等一等, 點知大家keep住去.....ok啦, 順著走吧!
突然有人孖必拍跳, 另有人又按捺不住去追; 前又追不了, 後又見不了, 仲要回頭走多轉, 唯有自己慢慢走 :p
差不多去到仙姑峰了, 又再一次(上次又係)行極都唔到, 又攰, 以為過埋呢個頂就到, 點知仲要上多兩個, 激死 >_<  此時, 後面幾個突然殺上, 氣勢迫人, 自己嚇一嚇唔順腳落山時拗了一拗:(  唔係要提早上岸呀?! o_O
止步停下抖一抖, 之後每步都有痛, 幸好摸落又無熱又無腫, 慢慢一步一步挨落山好了!
到大美督有人提議要食飯.....唯有跟大隊抖一抖都好! (食埋自己D野先)

大家食飽可以慢慢行上山 :P
回程開始得都幾順, 心肺步伐岩岩好, ankle又無痛了, 到仙姑峰後繼續keep住走; 雖然下午無雨開始出太陽又有點熱, 但走落又ok喎; 上山無跑都仲跟到下頗流暢, 連自己都估唔到, 大滿足呢!
maybe太熱大家都未能適應, 每遇有水的地方都玩水降溫!
是次新組合新火花都幾好玩, 滿足的一次操練 ^_^


唔知仲要幾多時間先可以減番呢幾個星期既食量, 真係有咁耐風流有咁耐.....
偷懶左咁耐, 希望快d可以上番力啦 ; )

深圳梧桐山 (3 Jun 2012)

之前朋友去左咁多次, 但次次都係星期六要"返工", 去到咁遠唔係咁方便, 故一直都未去過連著高踭鞋囉手袋都要上既名勝景點!
是日健行出隊圈中好友無任歡迎, 雖天氣不佳細雨綿綿, 但亦有百人參與, 當中還有不少熟識的面孔呢 ^_^

行程:
深圳羅湖口岸聯檢大樓 > 乘公車 205 往沙頭角> 恩上水庫> 騎馬嶺> 秀桐道> 大梧桐山頂> 泰山澗步道> 仙桐北路> 梧桐山村。
下午馬水澗步道> 小梧桐> 蝴蝶谷> 仙桐南路> 凌雲道> 長嶺。

第一次跟隊境外遊, 又驚遲到唔識路, o係屋企匆匆食d野就出門口(話係郊遊唔使食咁飽掛:p), 集合地點又未去過, 只係有少許記憶印象, 早少少去搵下先! o係火車上&過關途中已遇到不少行友了, 但點解大家個look咁操山(戰鬥格)既 o_O 終於等齊人去搭車, 但由於人數眾多, 要分車前往, 熱鬧非常呢!

又話郊遊, 點知起步無耐.....大家就已經忍不住.....跑了! 玩完富士都未跑過, 星期五晚仲踩左單車, 所以都係唔好同佢地傻, 閒遊好了! (奈何無景呢!) 好彩人多, 有快有慢, 應該唔怕走失掛?!

走完一大段石屎路之後, 去到一個涼亭, 老闆粗略講解上午既行程之後, 大家又浩浩蕩蕩的起步了!
頭段是"之"字型的石屎小徑, 又悶又因濕滑有青苔, 不難想像當中一定會有"short cut"的 XD 但我選擇了續行石屎路, 估唔到呢度先係王道 kaka (因為有d人cut cut下short左 :p)

雖則係石屎路, 但不久都要走入泥路小徑, 中間還又需要攀越過一舊大岩石; 其實都唔知自己行左去邊行唔行得岩, 但有行友話望住d垃圾去.....又真係岩喎!

出生天續走郊遊徑上天池, 因為好多人short cut反走多了路, 無啦啦做左先頭部隊添^_^
寒風細雨添衣等齊人先攻頂!
估唔到帶來小蛋糕與人分享竟然可以變成咁好玩別開生面的生日派對^_^

時候不早了, 大家趕忙的下撤落村食飯!
諗住順住泰山澗步道慢慢落唔會有錯啦, 唔使跟大家顛, 點知.....
第一個路口有師傅梁指路都ok, 但之後去到木屋小賣部見路口就猶豫了, 幸好同胞指路又等到行友, 如果唔係可能見"公路"個方各走了!
之後繼續慢慢的沿澗旁小路而落, 再有路口正當猶豫之際, 居然見到班外星UFO, 原來佢地又走錯路 XD 跟手佢地又絕塵的飛走了! 正所謂一不離二, 二不離三, 慢慢行差不多到分差路時, 又見那些不名飛行物體走回頭, kaka 多謝等埋指路 :p
繼續你有你跑我有我行, o係叢林間見到佢地飛過既身影, 聽到佢地叫我走落下面條石屎路, 就係呢度.....

去到飯堂, 居然大部份既人已經到齊, 有的還好像差不多食飽了似的! 但係我應該o係中游位置又唔係咁多人過左我ja 喎, 點解咁架?!?!?!
好彩落到村有亞kurt等埋我, 如果唔係我連去食飯既地方都唔識去!! 多謝細哥留個位比我食飯, thanks ^_^

(有的行友只走半程後自由行, 但估唔到下午出發仲有咁多人)

下午續走小梧桐, 老闆briefing話會行經澗道, 印象中睇相要走岩石面的, 死火, 有點兒擔心添! (驚甩"較") anyway, 記住落山位個名穩陣d :p
入澗比想像的ok, 只係走澗訪的泥路小徑; 但估唔到出石屎路後不久要攀澗穿林 o_O
好耐無探路feel的行山了, 估唔到去梧桐山可以行d咁既路, 自己行就一定唔會行到d咁既路, 人如其名 "梧桐山", 居然今次行既路全部都唔同! 有大石屎車路, 郊遊徑, 天然泥路中間要攀越岩石, 澗道, 棧道, 沿澗穿林etc.

有了上午的經驗及教訓, 一起步就二未底死跟 :p
穿林攀澗下下要爆上去, 雖然好辛苦吃力, 但後面一個接一個亦不敢怠慢停下來.....tired!
但原來.....有的行友沿石屎車路跑上小梧桐! 不過.....我都係鍾意trail多一點 ;)
等齊人(其實唔齊, 有d人中途走人了 :p) 又一齊下山了! 又係唔識路, 死跟, 點知大家突然又跑 o_O 個場面都好好笑, 好似爭人錢比人追咁 kaka! 好彩inin呢段腳下留情陪我慢慢跑先識o係路口轉彎 :p

分差位入蝴蝶谷, 嘩, 無人等一定唔識入路口了!
呢段又係trail, 太好了, 之後大家好似比賽咁, 又係咁跑了 o_O
on the way.....又出事了, 點解睇野完全對唔到焦既?! 睇d野無晒立體感, 只能從畫面利用感覺去跑, 唔敢快了! 究竟係副眼鏡定對眼有事呢?!?!?! 要check check先得!



咁快咪又係要等 kaka

等齊人拉晒筋吹乾晒, 諗住成班人一齊開開心心熱熱鬧鬧咁行落山, 點知.....