搬返屋企之後去邊都要搭好耐車, 以往去大埔唔使半個鐘, 依家淨計車程都成個鐘.....又要未天光就出門口 Zzzz.....
以為無咁凍著件 wind shield 就出門口, 點知搭車覺得有d凍, feel of illness.....食完早餐食定 panadol 先 >_<
個飯太細啦, 出發時好似開始有d肚餓添, 好彩都上足糧應該ok嘅, 又有帶錢, 最多中途去食嘢 :p
一如既往大家一出發就衝, 我當然無能力係咁keep住跑, 好不容易先挨到山腳路口!開始上山只能盡力keep住行, 感覺都頗辛苦, 腦海中不斷諗 "除左跑淨少少嘅系列賽, 係咪應該放棄一d唔跑呢?!"....."還掂有一場走盞, 不如呢場玩半馬收工啦!".....
上山已經辛苦, 落落下樓梯個膝頭有d唔妥 >_<
估不到落山都唔掂, 真係有d灰 =_=
上山又無力, 平路落山又係咁比人過 :(
過左水塘開始上山, 一路只低頭密密行, 見到對calf tight抬頭一望竟然係亞傑&Gordon o_O 佢地好似想懶死唔行咁, 我一於好少理, keep住上屏風! 唔知點解沿路見到既賽員都上得好"lap", 我都無推只係慢慢一步步上, 不過就唔算辛苦, 咁.....我估整段八仙大大話話過左廿幾三十個 @@ ^_^ (埋下左回光反照死亡伏線呢!)
落關爺坳出奇的暢順, 完全無塞車, 無奈只係我自己走不動, 落極都未到, 頗為漫長呢 : (
就係由呢度開始就不斷與同組的賽員拉鋸, 互有前後! 上屏風我過佢, 落新娘潭佢過我, 去烏蛟騰又比我過番.....
上下苗田都跑得幾順, 但見天氣熱熱地, 三椏涌唔理咁多, 去士多買罐可樂開心下先 :p
唉! after the break 不久, 上到小山丘.....哎呀, 拗柴.....唔係依家先要撤退呀?! :(
靜止左~1 min 之後一步一步"拮"落斜路, 此時又過番我.....
回平路後試jog都ok就跑下行下, 居然仲o係視線範圍, 仲一齊到荔枝窩 o_O
死就死啦, 繼續跑下行下, 又開始上山仲送我一程叫我上先 @@
上山都仲ok, 不過一要跑就好唔願意, 後期更加內側又d扯作抽, 要幾次中途停下去拉; 有一下落山避石hamstring仲抽左.....幸好都無出事!
終於到谷埔, 健行會友話我排得好前, 但我好清楚前面應該不只佢地講的數目的! anyway, 都係盡力跑埋佢 (同自己講上山都仲ok應該得嘅!)
過埋分水坳, mainly落&平路, 但就係我今日最唔掂嘅.....(死唔死, 上山先學人快.....唔爆至奇)
山火瞭望台局然見到細哥, 之後就跟住佢係咁跑 (我自己就一定跑跑行行的.....) 不過到左烏蛟騰都跟唔掂了, 示意佢走唔好理我, 之後用番自己嘅pacing走, 但.....出事了, 臨尾段樓梯學人衝埋上去.....oh!
衝線停下了之後, 死火, 兩個"古巨基"開始唱歌 (應該係衝上斜啦)! 正當王妃幫忙之際, 對小腿開始黎料 o_O 之後一連串抽筋大合奏, 要勞煩mingming, 細哥, munei & first aid 哥哥幫忙 @@ (多謝大家幫忙關心 many thanks!)動不得, 又訓又扒又坐, 全都要人扶! 抽到個咀唇&手都要麻痺針拮感覺 :(
繼上年毅行針山之後又一次勁抽之作! 不過今次唔只三個觀眾&helpers, 係成村人, 真失禮 >_<
唔fit無狀態病病地拗埋柴仲要學人推就會有咁嘅下場了 XD (no. bib 112 已用左呢個quota了, 下次唔好啦! kaka)
沒有留言:
發佈留言