Distance: ~25k
Time used: 2hr51mins
可能星期三四跑完斜路及衝快既關係, 對hamstring 星期五開始好緊, 唔知跟唔跟到跑or跑得晒無 >_<
驚死又怕唔識路, 帶左成個腰包出發(有800ml水/風褸/地圖+description/e-lite/哨子/salonpas/電話/octopus+錢/food....), 但一睇傑, fung & inin 只係手囉一支水就出發, 哎呀, "lai"野 :p
一開始落斜都仲ok, 但一到寶雲道, 我就好似踏死蟻咁, 對腳重到每步都好似打鼓咁! 要亞fung不斷睇住我既步速跑, 佢地兩個出到路口行住等, 真不好意思! 之後一段濕滑既泥路, 對腳無力kick到樹枝, 好彩個人仲有反應慢動作先跌 :p 過晒圍欄及工程地段上到寶珊道, 個人開始順番少少 (應該係大家就番我個pacing)!
大致上d路都唔難認, 有d都跑過/去過, 只係唔知個細圈點走; 唔使快最緊要走得完!
黎緊仲要試埋個大圈!
跑完條hamstring好似無咁緊, 不過個hip flexor就好似有少少攰, 而小腿依然酸酸痛!
明日仲要食全餐, 希望頂得住!
Lantau50 Pre-trip (4 Mar 2012)
Route: 愉景灣 > 老虎頭 > 白芒 > 婆髻 > 雙東坳 > 大東 > 伯公坳 > 南山 > 老人山 > 十塱 > 芝麻灣 > 梅窩 > 東灣頭 > 愉景灣
Distance: ~46k (cut左龍尾loop)
Time taken: ~9hr10mins
為左盡食全餐原汁原味, 大伙兒決定於愉景灣起步, 個個都話搭船朝早七點碼頭等, 唯有二字底; 唔敢遲又唔想太趕, 早左訓但兩點幾醒, 之後又訓得唔好.....未天光就出到中環, 六點幾就坐左o係碼頭等了 o_O
預左天氣變化大, 帶齊裝備, 仲要帶定兩支pole, 又"lai"野了, 個袋鬼死咁重.....
一開始上老虎頭d大大級, 攰死 >_<
好彩上到頂之後一大段trail可以跑番順, 但有點擔心可唔可以捱到尾呢?!
估唔到試劍石之後轉小徑跑落牛枯塱, 我仲以為係跟大路經仙桃石落添 :p 但咁既路先係 trail run 好玩呀 ^_^
上婆髻終於遇到健行大隊, 好熱鬧! 知道呢段路攀高最多, 但路況比我想像中好走, 感覺良好! 幾次跑蓮花呢段環腰路都係又濕又大霧, 今日濕之餘d汗係咁滴, 攪到睇d野幾立體, 不斷出水潑都唔係好得, 仲要一路都無咩機會食野, 雙東坳上大東終於可以食野了 :p
落伯公坳終於撥開雲霧, 但落到一半對四頭開始有d緊, 要收慢少少先得, 如果唔係就大件事了!
南大嶼郊遊徑突然唔見晒d人, 得番我地幾個, 佢地個個都唔多熟路, 唯有死死氣跟我呢個慢遊人跑跑行行, 經過水源就差差水 (開始出太陽了)
好不容易到了南山, 多謝快腳等埋, 終於可以大休抖抖! 其間, 望望隻gps, oh no, 簡直晴天霹靂, 去到南山差少少先係一半路程, 唔係掛, 灰 >_<
之前未去過呢度, 嘩, 原來好鬼遠, 仲要不斷上上落落先到老人山, 仲要出太陽熱熱地加體能drop, 上山很是吃力呢 >_< 說實在我估我都唔係好慢之ma, 只係佢地快而已, 平路落山我都仲ok架, 只要keep住行應該ok, 盡量試下唔出pole :p
short cut 左龍尾個loop之後, 大家雙眼有團火向著士多可樂狂奔 :p (快跑左四頭有少少吃力, 要就住玩先得了)
"啹一啹"之後大家充滿力量的跑回梅窩! 重回市區有車有船真的十分吸引 :p
一不做二不休, 出得黎行唔爭在去埋愉景灣試埋條路 (應該夠時間掛), 一來了埋心願, 二來盡儲里數! 東灣頭d上斜真囉命, 腳仔軟; 仲要臨尾見到終點但跑極都仲有, 真係要jar到你乾晒為止!
Lantau50 呢51k真的不易, 但犯賤既大家既恨又愛她呢 :p 如果未試過就去比賽真係會死得好慘架, 而12hr呢條死線都有一定難度的, 大家加油!
沒有留言:
發佈留言